മുറിവ് എത്രമാത്രം ഉണങ്ങിയെന്ന് പറയുന്ന ഡോക്ടർക്ക് പ്രോഗ്രസ് റിപ്പോർട്ട് അയച്ചു കൊടുക്കുന്ന ഒരു ബാൻഡേജിനെപ്പറ്റി സങ്കൽപ്പിച്ചു നോക്കൂ. അങ്ങനെയൊന്ന് യഥാർത്ഥ്യമായിരിക്കുന്നു. ഫൈവ് ജി സാങ്കേതിക വിദ്യ ഉപയോഗിച്ച് യു. കെ. ഗവേഷകർ വികസിപ്പിച്ച ഈ ബാൻഡേജ് അടുത്ത ഒരു കൊല്ലത്തിനുള്ളിൽ വിപണിയിൽ ലഭ്യമാകും.
ഏതെങ്കിലും ഒരു പ്രത്യേക സമയത്ത് മുറിവിന്റെ അവസ്ഥ തിരിച്ചറിയുന്ന നാനോടെക്നോളജിയാണ് ഇതിൽ ഉപയോഗിച്ചിരിക്കുന്നത്. അത് ഒരു ഫൈവ് ജി ഇൻഫ്രാസ്ട്രക്ചറുമായി ഫോൺവഴി ബന്ധിപ്പിക്കുന്നു. നിങ്ങൾ എവിടെയാണെന്നും എത്രമാത്രം ആക്ടീവ് ആണെന്നും ഈ ബാൻഡേജ് പറയും.
ചെലവു കുറയ്ക്കാനായി 3 ഡി പ്രിന്റുകൾ ആണ് ഇത് നിർമിക്കാൻ ഉപയോഗിച്ചിരിക്കുന്നത്. യു. കെ. യിലെ സ്വാന്സി സർവകലാശാലയിലെ ഇൻസ്റ്റിറ്റ്യൂട്ട് ഓഫ് ലൈഫ് സയൻസിന്റെ ചെയർമാനായ മാർക് ക്ലെമന്റിന്റെ നേതൃത്വത്തിലാണ് ഈ ബാന്ഡേജ് വികസിപ്പിച്ചത്.