ലോകത്തിലേറ്റവും മികച്ച ഫീൽഡർ ആരാണെന്ന ചോദ്യത്തിന് ഇന്ത്യ–ന്യൂസിലൻഡ് രണ്ടാം ടെസ്റ്റ് കണ്ട ആർക്കും മറിച്ചൊരു അഭിപ്രായമുണ്ടാവില്ല. അത് രവീന്ദ്ര ജഡേജ തന്നെയെന്ന് അവർ നൂറ് തവണ പറയും. നീൽ വാഗ്ണറെ പുറത്താക്കാൻ ജഡേജയെടുത്ത ആ ക്യാച്ചിനെ എങ്ങനെ വിശേഷിപ്പിക്കാനാണ്. അവിശ്വസനീയമെന്ന് കമന്റേർ ഉറക്കെ വിളിച്ചു. സ്റ്റേഡിയം ഇളകി മറിഞ്ഞു. ഷമിയുടെ പന്തിനെ അടിച്ച് പായിക്കാൻ ശ്രമിച്ച വാഗ്ണറെ, പിന്നിലേക്ക് ഓടി അസാധ്യമെയ്വഴക്കത്തോടെ വായുവിൽ ഉയർന്ന് പൊന്തിയാണ് ജഡേജ പിടികൂടിയത്. ഇടത്തേ കയ്യിൽ ബോൾ ഭദ്രം.
നീൽ വാഗ്ണറുടെ വിക്കറ്റ് വീണപ്പോൾ തകർന്നത് ന്യൂസീലൻഡ് കൂടിയാണ്. കെയ്ലുമായി ചേർന്നുള്ള വാഗ്ണറുടെ റൺമല കയറ്റം അതോടെ അവസാനിച്ചു.
ഈ വർഷത്തെ ഏറ്റവും മികച്ച ക്യാച്ചെന്നാണ് വാഗ്ണർ ഇതിനെ ആരാധകർ വിശേഷിപ്പിക്കുന്നത്. ന്യൂസീലൻഡിനെതിരായ ആദ്യ ടെസ്റ്റിൽ ഇന്ത്യ ദയനീയമായി പരാജയപ്പെട്ടിരുന്നു.