സെഞ്ച്വറിയെങ്കിൽ നാക്ക് പുറത്തിടണം; പിന്നിലുണ്ട് ഒരു കാരണം: വെളിപ്പെടുത്തി ടെയ്​ലർ

taylor
SHARE

ട്വന്റി-20 പരമ്പര തൂത്തുവാരിയ സന്തോഷത്തിൽ ഇറങ്ങിയ ഇന്ത്യക്ക് എന്നാൽ ഏകദിനത്തിൽ ന്യൂസിലൻഡിനെതിരെ കാലിടറിയിരുന്നു. ഇന്ത്യ ഉയർത്തിയ 348  റൺസ് പിന്തുടർന്ന് ജയിച്ചാണ് കിവീസ് ഇന്ത്യയെ ഞെട്ടിച്ചത്. ഇന്ത്യയെ തകർത്തുവാരിയതിൽ വൈറ്ററൻ താരം റോസ് ടെയ്​ലറുടെ പങ്ക് വളരെ വലുതായിരുന്നു. അതിനിടെയാണ് നാക്ക് പുറത്തിട്ട് സെഞ്ച്വറി ആഘോഷിക്കുന്ന റോസ് ടെയ്​ലറും ചർച്ചയാകുന്നത്. 

നേട്ടത്തിൽ ടെയ്​ലറെ അഭിനന്ദിച്ചുകൊണ്ടുള്ള ഭാജിയുടെ ട്വീറ്റാണ് ഇപ്പോൾ വൈറൽ. സെഞ്ചുറിയടിച്ചാല്‍ താങ്കളെന്തിനാണ് ഇങ്ങനെ നാക്ക് പുറത്തിടുന്നത് എന്ന് എനിക്കൊന്ന് പറഞ്ഞുതരാമോ' എന്നായിരുന്നു ട്വീറ്റ്. തുടർന്ന് െഎപിഎൽ ഫ്രാഞ്ചൈസിയായ ചെന്നെ സൂപ്പർ കിങ്സ് ഏറ്റെടുത്തതോട് സംഭവം വൻ ഹിറ്റ്. 'വാട്ട് എ നാക്ക്' എന്നാണ് അവർ റീട്വീറ്റ് ചെയ്തത്.

തന്റെ മകൾക്ക് വേണ്ടിയാണ് ഇത്തരത്തിൽ താൻ നാക്ക് പുറത്തിടുന്നതെന്ന് ടെയ്​ലർ 2015ൽ ഒരു അഭിമുഖത്തിൽ പറഞ്ഞിരുന്നു. കരിയറിന്റെ തുടക്കത്തില്‍ സെഞ്ചുറി നേടിയിട്ടും പലവട്ടം താന്‍ ടീമില്‍ നിന്ന് പുറത്തായിട്ടുണ്ട്. അതിനു ശേഷമാണ് സെഞ്ചുറി അടിച്ചശേഷം ഇങ്ങനെ നാക്ക് പുറത്തിട്ട് തുടങ്ങിയതെന്നും ടെയ്‌ലര്‍ കൂട്ടിച്ചേര്‍ത്തു. എന്തുതന്നെ ആണെങ്കിലും ഇനി ടെയ്​ലറുടെ നാക്ക് വായിൽ കിടക്കണെമന്ന ആഗ്രഹമാണ് ഇന്ത്യൻ ആരാധകർക്ക്.

MORE IN SPOTLIGHT
SHOW MORE
Loading...
Loading...