മുന് ചാംപ്യനും ലോക മൂന്നാം നമ്പര് താരവുമായ റോജര് ഫെഡററെ അട്ടിമറിച്ച് ബള്ഗേറിയയുടെ സീഡ് ചെയ്യപ്പെടാത്ത താരം ഗ്രിഗര് ദിമിത്രോവ് യു എസ് ഓപ്പണ് ടെന്നിസ് സെമിഫൈനലില് . അഞ്ചുസെറ്റ് പോരാട്ടത്തിലാണ് അഞ്ചുതവണ യു എസ് ഓപ്പണ് കിരീടം നേടിയ ഫെഡററെ ദിമിത്രോവ് തോല്പിച്ചത് . വനിത സിംഗിള്സില് സെറീന വില്യംസ് ചൈനീസ് താരത്തെ തോല്പിച്ച് സെമിഫൈനലിലെത്തി .
ബേബി ഫെഡററെന്ന് ആരാധകര് വിളിക്കുന്ന ബള്ഗേറിയക്കാരന് ഗ്രിഗര് ദിമിത്രോവ് ആര്തര് ആഷെ സ്റ്റേഡിയത്തെ നിശ്ബ്ദമാക്കി ഇതിഹാസത്തെ അട്ടിമറിച്ച് സെമിഫൈനലിലേയ്ക്ക് . മുമ്പ് ഏറ്റുമുട്ടിയ ഏഴുമല്സരങ്ങളിലും വിജയിച്ച് ശീലമുള്ള ഫെഡറര് 6–3ന് ആദ്യസെറ്റ് സ്വന്തമാക്കി . കൊണ്ടും കൊടുത്തും സമാനശൈലിക്കാര് തമ്മിലുള്ള പോരാട്ടം നിര്ണായകമായ അഞ്ചാം സെറ്റിലേയ്ക്ക്
46ാം ഗ്രാന്സ്ലാം സെമിഫൈനലെന്ന ചരിത്രം ബാക്കിയാക്കി 6–2ന് സെറ്റ് കൈവിട്ട് ഫെഡററുടെ മടക്കം . ആദ്യമായാണ് 74ാം റാങ്കിലുള്ള ദിമിത്രോവ് യുഎസ് ഓപ്പണില് സെമിയിലെത്തുന്നത് . നൊവാക് ജോക്കോവിച്ചിനെ മറികടന്നെത്തിയ സ്റ്റാന് വാവറിങ്കയും ക്വാര്ട്ടറില് പുറത്തായി . റഷ്യന് താരം ദനില് മെദ്വദെവാണ് വാവറിങ്കയെ തോല്പിച്ചത് . വനിത സിംഗിള്സില് യു എസ് ഓപ്പണിലെ നൂറാം വിജയത്തോടെ സെറീന വില്യംസ് സെമിയുറപ്പിച്ചു . ചൈനീസ് താരം വാങ് ക്വാങ്ങിനെയാണ് സെറീന നേരിട്ടുള്ള സെറ്റുകള്ക്ക് മറികടന്നത്