ആ ആറു റൺസ് വേണ്ടെന്ന് അംപയറോട് പറഞ്ഞിട്ടില്ല; സത്യം പറഞ്ഞ് സ്റ്റോക്സ്

benupmire31
SHARE

ലോകകപ്പ് ഫൈനലിലെ വിവാദമായ ആറു റൺസ് വേണ്ടെന്ന് പറഞ്ഞിട്ടില്ലെന്ന് ഇംഗ്ലണ്ട് താരം ബെൻ സ്റ്റോക്സ്. അംപയറിനോട് അങ്ങനെ താൻ പറഞ്ഞതായി പ്രചരിക്കുന്ന വാർത്തകൾ സത്യമല്ല. ആ വാർത്തകൾ ശ്രദ്ധയിൽപ്പെട്ടിരുന്നു. ആറ് റൺസ് അനുവദിക്കപ്പെട്ടയുടൻ ടോം ലാഥമിനടുത്ത് ചെന്ന് മാപ്പ് ചോദിച്ചെന്നും , കെയ്ൻ വില്യംസണെ നോക്കിയും ഇതാവർത്തിച്ചുവെന്നും ബെൻ സ്റ്റോക്സ് വെളിപ്പെടുത്തി. 

വിവാദമായ ആ റൺസ് വേണ്ടെന്ന് സ്റ്റോക്സ് അംപയറോട് പറഞ്ഞതായി സഹതാരമായ ജെയിംസ് ആന്‍ഡേഴ്സണാണ് അവകാശപ്പെട്ടിരുന്നത്. ജൂലൈ 14 ന് നടന്ന ഇംഗ്ലണ്ട്-ന്യൂസിലൻഡ് ഫൈനലിൽ കിവീസ് മുന്നിട്ട് നിൽക്കുമ്പോഴായിരുന്നു വിവാദമായി മാറിയ ആ ആറു റൺസ് പിറന്നത്. മിഡ് വിക്കറ്റ് ഫീൽഡറിൽ നിന്നും വന്ന പന്ത് അബദ്ധത്തിൽ സ്റ്റോക്സിന്റെ ബാറ്റിൽ തട്ടി ബൗണ്ടറി ലൈനിലേക്ക് എത്തുകയായിരുന്നു. രണ്ടാം റണിനായി ഓടുന്നതിനിടയിലായിരുന്നു ഇത്. അംപയർ കുമാർ ധർമസേന സിക്സ് അനുവദിച്ചതോടെ കളിയുടെ ഫലം മാറിമറിയുകയായിരുന്നു.

MORE IN SPORTS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...