ലങ്കക്കാരുടെ മാലി ഏകദിന ക്രിക്കറ്റിനോട് വിടപറഞ്ഞു; ഉജ്വലയാത്ര; വിഡിയോ

malinga-last-match
SHARE

അവസാന ഓവറില്‍ അവസാന വിക്കറ്റും വീഴ്ത്തി ലസിത് മലിംഗ ഏകദിന ക്രിക്കറ്റിനോട് വിടപറഞ്ഞു . വിടവാങ്ങല്‍ മല്‍സരത്തില്‍ മലിംഗയുടെ മികവില്‍,, ശ്രീലങ്ക ബംഗ്ലദേശിനെ 91 റണ്‍സിന് തകര്‍ത്തു . 38 റണ്‍സ് വഴങ്ങി മൂന്നുവിക്കറ്റ് വീഴ്ത്തിയാണ് മലിംഗ കരിയറിനോട് വിടപറഞ്ഞത് . മൂന്നുമല്‍സരങ്ങളുടെ പരമ്പരയില്‍ ലങ്ക മുന്നിലെത്തി .

ഒന്നരപതിറ്റാണ്ടിലേറെ പെര്‍ഫെക്റ്റ് യോര്‍ക്കറുകള്‍ തീര്‍ത്ത കരിയറിന് കൊളംബോയില്‍ ശുഭാന്ത്യം . അവസാന ഓവറില്‍ അവസാന ബംഗ്ലാ വിക്കറ്റും പിഴുത് ടീമിന് ജയമൊരുക്കി ലങ്കക്കാരുെട മാലി ഏകദിന ക്രിക്കറ്റിനോട് വിടപറഞ്ഞു .രണ്ടു മെയ്ഡനുകളടക്കം 38 റണ്‍സ് വഴങ്ങി മൂന്നുവിക്കറ്റുകള്‍ മലിംഗ വീഴ്ത്തി . അഞ്ചോവര്‍ നീണ്ട ആദ്യ സ്പെല്ലില്‍ ആദ്യ ഓവറില്‍ തന്നെ ഇനിയും കണ്ട് കൊതീരാത്ത ആ യോര്‍ക്കറില്‍ ബംഗ്ല ക്യാപ്റ്റന്‍ തമിം ഇക്ബാല്‍ നിലംതൊട്ടു 

പിന്നാലെ സൗമ്യ സര്‍ക്കാര്‍ വീണതോടെ ബംഗ്ലാദേശ് തലകുനിച്ചു .338 വിക്കറ്റുകള്‍  നേടിയ അനില്‍ കുംബ്ലെയും വിക്കറ്റ് നേട്ടത്തില്‍ പിന്നിലാക്കി മലിഗയുടെ  മടക്കം . ആദ്യം ബാറ്റുചെയ്ത ശ്രീലങ്ക കുസാല്‍ പെരേരയുടെ സെഞ്ചുറി മികവില്‍ നേടിയത് 314 റണ്‍സ് . മലിംഗയ്ക്കൊപ്പം മൂന്നുവിക്കറ്റ് വീഴ്ത്തി നുവാന്‍ പ്രദീപും തിളങ്ങിയതോടെ ബംഗ്ലദേശ് 223 റണ്‍സിന് പുറത്തായി . ശ്രീലങ്കയ്ക്ക് ആദ്യ ട്വന്റി ട്വന്റി ലോകകിരീടം നേടിത്തന്ന ക്യാപ്റ്റന് മാലി എന്ന് ആര്‍ത്തുവിളിച്ച് ലങ്ക വിടനല്‍കി 

ഏകദിനത്തില്‍ 3 ഹാട്രിക്കുകള്‍ , ലോകകപ്പില്‍ രണ്ടെണ്ണം , രാജ്യാന്തര ക്രിക്കറ്റില്‍ തുടരെ നാലുപന്തുകളില്‍ വിക്കറ്റെടുത്ത ഒരേയൊരാള്‍ . ആ ബോളിങ്ങ് ആക്ഷന്‍ പോലെ അപൂര്‍വതകള്‍ ബാക്കിയാക്കിയാണ് സെപരമധു ലെസിത് മലിംഗ കളിയവസാനിപ്പിക്കുന്നത് .

MORE IN SPORTS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...