കൊളംബിയന്‍ ഫുട്ബോള്‍ ഇതിഹാസം കാര്‍ലോസ് വാല്‍ഡെറാമ ഇന്‍സ്റ്റഗ്രാമില്‍ പങ്കുവച്ച ഒരു ചിത്രം ആരാധകരുടെ ഹൃദയം തകര്‍ത്തു. പ്രശസ്തമായ വാര്‍ഡെറാമയുടെ ചുരുളന്‍ മുടിക്കാണ് മാറ്റം സംഭവിച്ചിരിക്കുന്നത്. ചുരുണ്ടുകിടക്കുന്ന ആ സ്വര്‍ണതലമുടി കൊളംബിയക്കാരന്‍ വാല്‍ഡെറാമയ്ക്കൊപ്പം ആരാധകരുടെ ഹൃദയത്തില്‍ പതിഞ്ഞതാണ് ഈ രൂപം .
ഫുട്ബോളിനോട് വിടപറഞ്ഞിട്ടും വാല്‍ഡെറാമ ഹെയര്‍സ്റ്റൈല്‍ മാറ്റിയില്ല. ഒടുക്കം 57ാം വയസില്‍ ഇന്‍സ്റ്റഗ്രാമില്‍ പങ്കുവച്ച ഒരു ചിത്രം ആരാധകരെ ഞെട്ടിച്ചു . ചുരുണ്ട മുടി വാല്‍ഡെറാമ സ്ട്രൈറ്റന്‍ ചെയ്തിരിക്കുന്നു . ഇപ്പോള്‍ തോളൊപ്പം കിടക്കുന്ന ആ സ്വര്‍ണമുടി . ആരാധകര്‍ റോക്ക് സ്റ്റാര്‍ കുര്‍ട് കോബിനുമായും ലയണ്‍ കിങ്ങിലെ മുഫാസുയമായും വാല്‍ഡെറാമയെ താരതമ്യം െചയ്തു . വിഗ് വച്ചൊരു പരീക്ഷണം നടത്തിയതാണെന്ന് തുടര്‍ന്നുവന്ന പോസ്റ്റുകളിലൂടെയാണ് ആരാധകര്‍ക്ക് മനസിലായത് .
