മാസ്റ്റർ ബ്ലാസ്റ്ററുടെ ലോക ഇലവനിൽ ധോണി ഇല്ല. രോഹിത്തും കോലിയുമടക്കം അഞ്ച് പേരാണ് ഇന്ത്യയിൽ നിന്ന് മാത്രമുള്ളത്. ക്യാപ്റ്റൻ കൂളായ കെയ്ൻ വില്യംസണാണ് സച്ചിന്റെ ഇഷ്ട ടീമിനെ നയിക്കുക.
രോഹിത്തും ജോണി ബെയർസ്റ്റോയും ഓപ്പണർമാർ. മൂന്നാം നമ്പറിൽ വില്യംസൺ. നാലാമൻ കോലി. ഓൾറൗണ്ടർമാരെന്ന് പേര് കേട്ട ഷാക്കിബ് അൽ ഹസൻ, ബെൻ സ്റ്റോക്സ്, പിന്നീട് ഹാർദിക് പാണ്ഡ്യ, ജഡേജ.
സ്റ്റാർക്, ആർച്ചർ , ബൂംറ എന്നിവരാണ് ടീമിൽ ഇടം നേടിയ മൂന്ന് പേസർമാർ. ഐസിസി നേരത്തെ പുറത്ത് വിട്ട ലോക ഇലവനിൽ ഇന്ത്യയിൽ നിന്ന് രോഹിത്തും ബൂംറയും മാത്രമാണ് ഇടം പിടിച്ചത്. മോശം ഫോമും പ്രായവും വില്ലനാകുന്നത് ടീമിന്റെ പ്രകടനത്തെ ബാധിക്കുമെന്നതിനാൽ ധോണിയോട് വിരമിക്കാൻ ആവശ്യപ്പെട്ടേക്കുമെന്ന അഭ്യൂഹങ്ങൾ ഉയർന്നിരുന്നു. അതിനിടയിലാണ് സച്ചിന്റെ ലോക ഇലവനിൽ നിന്ന് ധോണി പുറത്തായിരിക്കുന്നത്.
