ഓപ്പണർമാരേ മിന്നിച്ചേക്കണേ; തുടക്കം പിഴച്ചാൽ വില്യംസൺ കുഴങ്ങും

kiwiss14n
SHARE

ഓപ്പണിങ്ങാണ്  ന്യൂസീലന്‍ഡിന്റെ ദൗര്‍ബല്യം . ശ്രീലങ്കയ്ക്കെതിരായ ആദ്യ മല്‍സരം മാറ്റിനിര്‍ത്തിയാല്‍ പിന്നീടൊരിക്കലും നല്ല തുടക്കം നല്‍കാന്‍ കീവീസ് ഓപ്പണര്‍മാര്‍ക്ക് കഴിഞ്ഞില്ല . 35 റണ്‍സാണ് രണ്ടാം മല്‍സരം മുതലുള്ള ഉയര്‍ന്ന് ഓപ്പണിങ് കൂട്ടുകെട്ട് .  കഴിഞ്ഞ ലോകകപ്പില്‍ ഇരട്ടസെഞ്ചുറിയടക്കം അഞ്ഞൂറിന് മുകളില്‍ റണ്‍സ് സ്കോര്‍ ചെയത മാര്‍ട്ടിന്‍ ഗപ്റ്റിലിന്റെ നിഴല്‍മാത്രമാണ് ഇത്തവണ  കണ്ടത് .

പുറത്താകാതെ നേടിയ 237 റണ്‍സായിരുന്നു കഴിഞ്ഞ ലോകകപ്പില്‍  ഗപ്റ്റിലിന്റെ ഉയര്‍ന്ന സ്കോര്‍ . 68.37 ശരാശരിയില്‍ സ്വന്തം കാണികള്‍ക്ക് മുന്നില്‍ ഗപ്റ്റില്‍ റണ്‍സ് വാരിക്കൂട്ടി .   രണ്ട് സെഞ്ചുറിയും ഒരു ഇരട്ടസഞ്ചുറിയടക്കം ഗപ്റ്റില്‍ സ്കോര്‍ബോര്‍ഡില്‍ ചേര്‍ത്തത് 547 റണ്‍സ് .  ഡൗണ്‍ അണ്ടറില്‍ നിന്ന് ലോകകപ്പ് ഇംഗ്ലണ്ടിലേയ്ക്കെത്തിയപ്പോള്‍ ഗപ്റ്റില്‍ ആളാകെ മാറി . ഇത്തവണ ആകെ നേടിയത് 167 റണ്‍സ് . ഉയര്‍ന്ന സ്കോര്‍ ശ്രീലങ്കയ്ക്കെതിരെ ആദ്യ മല്‍സരത്തില്‍ നേടിയ 73 റണ്‍സ് . ശരശരി 20.87 മാത്രം .  ശ്രീലങ്കയെ പത്തുവിക്കറ്റിന് തോല്‍പിച്ച ആദ്യമല്‍സരത്തില്‍  137 റണ്‍സാണ് ഗപ്റ്റിലും മന്‍റോയും നേടിയത് .  പിന്നെയുള്ള ഉയര്‍ന്ന് ഓപ്പണിങ് കൂട്ടുകെട്ട് ബംഗ്ലദേശിനെതിരെ നേടിയ 35 റണ്‍സ് . അഫ്ഗാനിസ്ഥാനെതിരെയും വെസ്റ്റ് ഇന്‍ഡീസിനെതിരെയും അക്കൗണ്ട് തുറക്കും മുമ്പ് ഗപ്റ്റിലിനെ നഷ്ടമായി .  

പാക്കിസ്ഥാനെതിരെ അഞ്ചുറണ്‍സും ഇംഗ്ലണ്ടിനെതിരെ രണ്ടുറണ്‍സും ഇന്ത്യയ്ക്കെതിരെ ഒരു റണ്‍സുമാണ് ഓപ്പണിങ് കൂട്ടുകെട്ടിന്റെ സംഭാവന .  കൊളിന്‍ മന്‍‍റോയായിരുന്നു ആദ്യം ഗപ്റ്റിലിനൊപ്പം ഇന്നിങ്സ് ഓപ്പണ്‍ ചെയ്തത് . മണ്‍റോ ഹെന്‍റി നിക്കോള്‍സിന് വഴിമാറിയിട്ടും ന്യൂസിലന്‍ഡിന്റെ തുടക്കം മാത്രം ക്ലച്ചുപിടിച്ചില്ല.  സെമിഫൈനലില്‍ ഇന്ത്യയ്ക്കെതിരെ നേടിയ 28 റണ്‍സാണ് നിക്കോള്‍സിന്റെ ലോകകപ്പിലെ ഉയര്‍ന്ന സ്കോര്‍ .

MORE IN SPORTS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...