യുവ്രാജ് സിങ്ങിന്റെ വിടവാങ്ങലിൽ സഹതാരവും സുഹൃത്തുമായ രോഹിത് ശര്മയുടെ വികാരനിർഭരമായ കുറിപ്പ്. യുവി ഇതിലും മികച്ച യാത്രയയപ്പ് അര്ഹിച്ചിരുന്നു എന്ന് രോഹിത് ട്വിറ്ററിൽ കുറിച്ചു.
''നഷ്ടപ്പെടുന്നതുവരെ അതിൻറെ വില നമ്മളറിയില്ല. സഹോദരാ, ഞാൻ നിങ്ങളെ സ്നേഹിക്കുന്നു. നിങ്ങൾ ഇതിലും മികച്ച യാത്രയയപ്പ് അര്ഹിച്ചിരുന്നു'', രോഹിത് ശർമ ട്വീറ്റ് ചെയ്തു.
യുവ്രാജ് സിങ്ങിന് അർഹിച്ച യാത്രയയപ്പ് നൽകിയില്ലെന്ന വിമർശനങ്ങൾ പല കോണുകളില് നിന്നും ഉയരുന്നുണ്ട്. രാജ്യാന്തര ക്രിക്കറ്റിലേക്ക് ഇനിയൊരു മടങ്ങിവരവുണ്ടാകില്ലെന്ന തിരിച്ചറിവിലായിരുന്നു ഇന്നലെ അദ്ദേഹത്തിൻറെ വിരമിക്കൽ പ്രഖ്യാപനം.