പോർച്ചുഗൽ ഫുട്ബോൾ ക്ലബ് പോര്ട്ടോയുടെ സ്പാനിഷ് ഗോള്കീപ്പര് ഐകർ കസീയസിന് പരിശീലനത്തിനിടെ ഹൃദയാഘാതം. ഉടന് തന്നെ ആശുപത്രിയിലെത്തിച്ച താരത്തെ ശസ്ത്രക്രിയയ്ക്ക് വിധേയനാക്കി. കസീയസ് അപകടനില തരണം ചെയ്തതായി ക്ലബ് അറിയിച്ചു. 2010 ലോകകപ്പില് സ്പെയിന് ചാംപ്യന്മാരായത് കസീയസിന് കീഴിലാണ്. 2008 ലും 2012–ലും യൂറോപ്യന് ചാംപ്യന്ഷിപ്പും സ്വന്തമാക്കിയിട്ടുണ്ട്. 167 മല്സരങ്ങളില് കസീയസ് സ്പെയിനിനായി ഗോള് വല കാത്തിട്ടുണ്ട്.
