മുഹമ്മദ് സലാ ആഫ്രിക്കയിലെ മികച്ച ഫുട്ബോള്‍ താരം. ലിവര്‍പൂളിലെ സഹതാരം സാദിയോ മാനയെ പിന്തള്ളിയാണ് തുടര്‍ച്ചയായ രണ്ടാം വര്‍ഷവും സലയുടെ പുരസ്കാരനേട്ടം.
ചാംപ്യന്‍സ് ലീഗ് ഫൈനലില്‍ സലയുടെ ബൂട്ടുകള്‍ ലിവര്‍പൂളിനെ എത്തിച്ചത് ഫൈനലില്‍ . ഒറ്റയാന്‍ പോരാട്ടത്തിലൂടെ ഈജിപ്തിന് ലോകകപ്പ് യോഗ്യ നോടിക്കൊടുത്തു മുഹമ്മദ് സല. റഷ്യയില്‍ നിന്ന് ആദ്യ റൗണ്ടില്‍ പുറത്തായെങ്കിലും ലോകകപ്പില്‍ സലയുടെ ബൂട്ടുകള്‍ നേടിയത് രണ്ടുഗോളുകള് .
57 മല്‍സരങ്ങളില്‍ നിന്നായി 45 ഗോളുകളാണ് സല കഴിഞ്ഞ വര്‍ഷം അടിച്ചുകൂട്ടിയത്. സെനഗല്‍ തലസ്ഥാനമായ ദാക്കറില്‍ നടന്ന ചടങ്ങിലാണ് പുരസ്കാര ജേതാക്കളെ പ്രഖ്യാപിച്ചത്.
1983ല്‍ മുഹമ്മദ് എല്‍ ഖാതിബിന് ശേഷം ആഫ്രിക്കയിലെ മികച്ച ഫുട്ബോളറാകുന്ന ആദ്യ ഈജിപ്തുകാരനാണ് മുഹമ്മദ് സല . ലിവര്‍പൂളിന്റെ കാമറൂണ്‍ താരം സാദിയോ മാനെ രണ്ടാം സ്ഥാനവും ആര്‍സനലിന്റെ ഗാബോണീസ് താരം പിയറി എമറിക് ഔബമയാങ്ങ് മൂന്നാം സ്ഥാനവും നേടി.
