ഓസ്ട്രേലിയന് പര്യടനം നടത്തുന്ന ഇന്ത്യന് ക്രിക്കറ്റ് ടീമിന് തിരിച്ചടിയായി പൃഥി ഷായുടെ പരുക്ക്. പരിശീലന മല്സരത്തിനിടെ പരുക്കേറ്റ പൃഥി ഷാ അടുത്ത വ്യാഴാഴ്ച തുടങ്ങുന്ന ആദ്യ ടെസ്റ്റില് നിന്ന് പുറത്തായി.
ക്രിക്കറ്റ് ഓസ്ട്രേലിയ ഇലവനെതിരായ പരിശീലന മല്സരത്തിനിടെ ഫീല്ഡ് ചെയ്യുമ്പോഴാണ് പൃഥി ഷായ്ക്ക പരുക്കേറ്റത്. ബൗണ്ടറി ലൈനില് ക്യാച്ച് എടുക്കാനുള്ള ശ്രമത്തിനിടെ ഇടതുകണങ്കാല് മടങ്ങുകയായിരുന്നു. വേദനകൊണ്ട് പുളഞ്ഞ ഷായെ വൈദ്യസംഘമെത്തിയാണ് ഗ്രൗണ്ടില് നിന്ന് മാറ്റിയത്. ആദ്യടെസ്റ്റില് കെ,എല് രാഹുലിനൊപ്പം ഇന്നിങ്സ് ഓപ്പണ് ചെയ്യേണ്ടിയിരുന്നത് ഷ ആയിരുന്നു.
അണ്ടര് 19 ലോകകപ്പിലെ മികച്ച പ്രകടനത്തിന്റെ അടിസ്ഥാനത്തില് ഈ വര്ഷം ഇന്ത്യന് ടീമിലെത്തിയ പൃഥി ഷാ അരങ്ങേറ്റ ടെസ്റ്റില് തന്നെ സെഞ്ചുറി നേടിയിരുന്നു. രണ്ട് ടെസ്റ്റില് നിന്ന് 237റണ്സാണ് ഷാ നേടിയത്. ക്രിക്കറ്റ് ഓസ്ട്രേലിയ ഇലവനെതിരായ പരിശീലനമല്സരത്തില് ഷാ 66റണ്സ് നേടിയിരുന്നു. ഷായ്ക്ക് പകരം ശിഖര് ധവാനോ, മായങ്ക് അഗര്വാളോ ടീമിലെത്തിയേക്കും.