പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ദൃശ്യങ്ങള് പ്രചരിപ്പിച്ച 22 കാരന് അറസ്റ്റില്. തൃശൂര് കുന്നംകുളം സ്വദേശി അഭിഷേകാണ് പിടിയിലായത്. പ്രായപൂര്ത്തിയാകാത്ത പെണ്കുട്ടിയെ പ്രണയം നടിച്ച് പീഡിപ്പിക്കുകയും ദൃശ്യങ്ങള് സോഷ്യല് മീഡിയ വഴി പ്രചരിപ്പിക്കുകയും ചെയ്തതിനാണ് 22 കാരന് അഭിഷേകിനെ കുന്നംകുളം പൊലീസ് അറസ്റ്റ് ചെയ്തത്. സമൂഹ മാധ്യമം വഴി പരിചയപ്പെട്ട പെണ്കുട്ടിയെയാണ് പ്രതി പീഡിപ്പിച്ചത്.
സമൂഹ മാധ്യമത്തിലൂഡടെ പരിചയപ്പെട്ട ഇരുവരും പ്രണയത്തിലായിരുന്നു. പിന്നീട് അഭിഷേക് ശാരീരികമായി ഉപദ്രവിക്കാന് തുടങ്ങിയതോടെ പ്രണയത്തില് നിന്ന് പിന്മാറി. ഇതേ തുടര്ന്നുണ്ടായ വൈരാഗ്യത്തില് യുവാവ് വീട്ടില് അതിക്രമിച്ചു കയറിയെന്നും ലൈംഗികാതിക്രമം നടത്തിയെന്നുമാണ് പരാതി. പെണ്കുട്ടിയുടെ പരാതിയിലാണ് പ്രതിയെ പൊലീസ് അറസ്റ്റ് ചെയ്തത്. വൈദ്യ പരിശോധനക്ക് ശേഷം പ്രതിയെ കോടതിയില് ഹാജറാക്കി.