തിരുവനന്തപുരം ബാലരാമപുരത്ത് കല്ലേറിൽ പരിക്കേറ്റയാൾ മരിച്ചു. പാറക്കോണം സ്വദേശിയായ അറുപത്തിയഞ്ചുകാരന്‍ കരുണാകരനാണ് കൊല്ലപ്പെട്ടത്. അയൽവാസികളായ ശാന്ത, മകൻ പ്രവീൺ, സുഹൃത്ത് സന്തോഷ് എന്നിവരെ ബാലരാമപുരം പൊലീസ് കസ്റ്റഡിയിലെടുത്തു
ഞായറാഴ്ച വൈകിട്ട് മദ്യലഹരിയിൽ ബഹളമുണ്ടാക്കിയ കരുണാകരനുമായി അയൽവാസികൾ വഴക്കായി . ഫ്ലക്സ് കരുണാകരൻെ വീടിന് സമീപത്തെ വഴിയരികിൽ സ്ഥാപിച്ചെന്ന് പറഞ്ഞ് തുടങ്ങിയ തർക്കം ആക്രമണത്തിലെത്തുകയായിരുന്നു. കരുണാകരനെ മർദിച്ച അയാൽവാസികളായ യുവാക്കൾ ഒടുവിൽ കല്ലെടുത്തെറിഞ്ഞു. കല്ലെടുത്തു കൊടുത്ത പ്രവീണിൻെ അമ്മ ശാന്തയും കേസിൽ പ്രതിയായ് . ജനനേന്ദ്രിയത്തിന് പരിക്കേറ്റ കരുണാകരൻ ഇന്ന് മെഡിക്കൽ കോളജിലാണ് മരിച്ചത്. അയാൽവാസികൾ തമ്മിൽ നേരത്തെയും തർക്കമുണ്ടായിരുന്നു
ആദ്യ ദിവസം ജനറൽ ആശുപത്രിയിൽ ചികിൽസ തേടിയ കരുണാകരൻെ ആരോഗ്യനില വഷളായതോടെ മെഡക്കൽ കോളജിൽ പ്രവേശിപ്പിക്കുകയായിരുന്നു. പൊലീസ് പിടിയിലായിരിക്കുന്ന മൂന്ന് പേരും അയൽവാസികളാണ്.
