മുഖ്യമന്ത്രി പിണറായി വിജയനെ ആക്രമിക്കാന് ശ്രമിച്ചെന്ന് ആരോപിച്ച് നല്കിയ കേസിലെ പ്രതികളായ യൂത്ത് കോണ്ഗ്രസ് നേതാക്കള്ക്ക് വിമാനടിക്കറ്റ് ബുക്ക് ചെയ്യാന് ട്രാവല് ഏജന്സിയിലേക്ക് വിളിച്ചത് കണ്ണൂര് ഡിസിസി ഓഫീസില് നിന്നാണെന്ന് സിപിഐഎം വനിതാ നേതാവും കണ്ണൂര് ജില്ലാ പഞ്ചായത്ത് പ്രസിഡന്റുമായ പിപി ദിവ്യ. ടിക്കറ്റ് ബുക്ക് ചെയ്തതിന്റെ പണം ഇതുവരെ ട്രാവല് ഏജന്സിക്ക് നല്കിയിട്ടില്ലെന്നും പിപി ഫെയ്സ്ബുക്ക് പോസ്റ്റിലൂടെ പറയുന്നു.
കുറിപ്പ് ഇങ്ങനെ:
വിമാനത്തിൽ മുഖ്യമന്ത്രിയെ അക്രമിക്കാന് പോയ യൂത്ത് കോണ്ഗ്രസ് ക്രിമിനലുകള്ക്ക് വേണ്ടി ടിക്കറ്റ് ബുക്ക് ചെയ്ത് കൊടുക്കാന് ട്രാവല് ഏജന്സിയിലേക്ക് വിളിച്ചത് കണ്ണൂര് ഡിസിസിയില് നിന്ന്. ട്രാവല് ഏജന്സിക്ക് ഇനിയും പണം നല്കിയിട്ടില്ല.
വിമാനത്തിനുള്ളിൽ മുഖ്യമന്ത്രിക്കെതിരെ പ്രതിഷേധിച്ച മൂന്ന് പ്രതികൾക്കും ഇന്ന് ജാമ്യം നല്കിയിരുന്നു. ഫർസീൻ മജീദിനും നവീൻ കുമാറിനും ജാമ്യവും സുജിത് നാരായണന് മുൻകൂർ ജാമ്യവുമാണ് ഹൈക്കോടതി അനുവദിച്ചത്. ഫര്സീനും നവീനും റിമാന്ഡിലാണ്. മുഖ്യമന്ത്രിയോടുള്ള വിരോധമല്ല വിമാനത്തിനുള്ളിൽ യൂത്ത് കോൺഗ്രസുകാരുടെ പ്രതിഷേധത്തിനു കാരണമായതെന്നു ഹൈക്കോടതി പറഞ്ഞു. പ്രതികൾ ആയുധം കരുതിയിരുന്നില്ലെന്നു വ്യക്തമാക്കിയ കോടതി വിമാനം ലാൻഡ് ചെയ്ത ശേഷമാണ് പ്രതിഷേധിച്ചത്. എയർപോർട്ട് മാനേജർ ആദ്യം നൽകിയ റിപ്പോർട്ടിൽ വാക്കുതർക്കം എന്ന് മാത്രമാണ് ഉണ്ടായിരുന്നത്. പിന്നീടു നൽകിയ റിപ്പോർട്ടിലാണ് മുദ്രാവാക്യം വിളിച്ച കാര്യം ഉള്ളതെന്നും കോടതി വ്യക്തമാക്കി.