രാജ്യാന്തര നഴ്സസ് ദിന ഫൊട്ടോഗ്രഫി മല്‍സരത്തില്‍ സമ്മാനിതയായി മലയാളിപ്പെണ്‍കുട്ടി. പാലക്കാട് സ്വദേശിനിയും എറണാകുളം കൂത്താട്ടുകുളം ഇന്‍സ്റ്റിറ്റ്യൂട്ട് ഓഫ് നഴ്സിങ് എജ്യൂക്കേഷന്‍ വിദ്യാര്‍ഥിനിയുമായ ഐശ്വരയാണ് മല്‍സരത്തില്‍ മൂന്നാംസ്ഥാനം നേടിയത്.
ഐശ്വര്യ സ്വന്തം മൊബൈല്‍ ഫോണില്‍ എടുത്ത ഈ ചിത്രത്തിനാണ് രാജ്യാന്തര പുരസ്കാരം.
നഴ്സസ് ദിനത്തില്‍ ഇന്‍റര്‍നാഷനല്‍ കൗണ്‍സില്‍ ഓഫ് നഴ്സസ് സംഘടിപ്പിച്ച ഫോട്ടോഗ്രഫി മല്‍സരത്തിലാണ് ഐശ്വര്യയുടെ നേട്ടം.
കമ്യൂണിറ്റി നഴ്സിങ്, ഹോം കെയര്‍ വിഭാഗത്തിലാണ് ഐശ്വര്യയുടെ ചിത്രത്തിന് സമ്മാനം. 20 രാജ്യങ്ങളില്‍ നിന്നുള്ള നഴ്സുമാര്‍ അയച്ച 200 ചിത്രങ്ങളാണ് ഈ വിഭാഗത്തില്‍ അവസാന റൗണ്ടില്‍ മല്‍സരിക്കാനുണ്ടായിരുന്നത്.
രാജ്യാന്തരപുരസ്കാരത്തില്‍ ആഹ്ളാദത്തിലാണ് കോളജ് അധികൃതരും നാട്ടുകാരും.
ബി.എസ്.സി നഴ്സിങ് നാലാംവര്‍ഷ വിദ്യാര്‍ഥിനിയായ ഐശ്വര്യ പാലക്കാട്, പള്ളാത്തേരി സ്വദേശി അറുച്ചാമിയുടെയും സിന്ധുവിന്‍റെയും മകളാണ്്.
