സംസ്ഥാന സർക്കാർ കേരള പൊലീസിനായി വാടകയ്ക്കെടുത്ത ഹെലികോപ്റ്ററിന് വാടകയിനത്തിൽ മാത്രം നൽകിയത് പത്തുകോടി രണ്ട് ലക്ഷം രൂപ. ആറുമാസത്തിനിടെ ആകെ അഞ്ച് പ്രാവശ്യം മാത്രമാണ് ഹെലികോപ്ടർ പറന്നത്.
മാസം ഒരുകോടി എഴുപത് ലക്ഷം രൂപയാണ് ഹെലികോപ്ടർ വാടക. പറന്നാലും പറന്നില്ലെങ്കിലും ഈ തുക നൽകേണ്ടതുണ്ട്. മാർച്ചിലാണ് ഹെലികോപ്റ്റർ കേരളത്തിലെത്തിച്ചത്. വിവരങ്ങൾക്ക് രഹസ്യ സ്വഭാവമുള്ളതിനാൽ കൈമാറാൻ കഴിയില്ലെന്നായിരുന്നു സർവീസ് വിവരം ചോദിച്ച് നൽകിയ വിവരാവകാശത്തിനുള്ള മറുപടി. ഹെലികോപ്റ്ററിന്റെ ആദ്യ പറക്കലും വിവാദമായിരുന്നു.
