കൊച്ചിയിൽ നടി ആക്രമിക്കപ്പെട്ട സംഭവം ഒരിടവേളയ്ക്ക് ശേഷം വീണ്ടും സജീവ ചർച്ചയാവുകയാണ്. കേസിൽ ചിലരുടെ കൂറുമാറ്റത്തെ വിമർശിച്ച രേവതിയും റിമ കല്ലിങ്കലും അടക്കമുള്ള താരങ്ങൾ രംഗത്തെത്തി. ‘സിനിമയിലെ സ്വന്തം സഹപ്രവര്ത്തകരെ വിശ്വസിക്കാൻ കഴിയാത്തതില് വിഷമമുണ്ട്. . ഇടവേള ബാബു, ബിന്ദു പണിക്കര് എന്നിവര് സ്വന്തം മൊഴികള് കോടതിയില് പിൻവലിച്ചു. അവരില് നിന്ന് കൂടുതല് പ്രതീക്ഷിക്കാനാകില്ല. ഇപ്പോള് സിദ്ദിഖും ഭാമയും. സിദ്ദിഖ് എന്തുകൊണ്ടാണ് ഇങ്ങനെ ചെയ്യുന്നത് എന്ന് മനസിലാക്കാം. പക്ഷേ ഭാമ?’ രേവതി കുറിച്ചു.
‘നാണക്കേട്’ എന്നായിരുന്നു റിമയുടെ പ്രതികരണം. ഒരുപാട് കാലം ജോലി ചെയ്തു. വളരെയധികം പ്രൊജക്റ്റുകള്. എന്നിട്ടും ഒരു സ്ത്രീക്ക് പ്രശ്നം വരുമ്പോള് എല്ലാവരും പിന്നോട്ടുപോകുന്നത് എന്തുകൊണ്ടാണെന്നും രേവതി ഫെയ്സ്ബുക്ക് കുറിപ്പിൽ ചോദിച്ചു.അതേസമയം ജാമ്യവ്യവസ്ഥകള് ലംഘിച്ചെന്നാരോപിച്ച് ദിലീപിന്റെ ജാമ്യം റദ്ദാക്കാന് അന്വേഷണസംഘം സമര്പ്പിച്ച ഹര്ജി വിചാരണക്കോടതിയുടെ പരിഗണനയിലാണ്.