കോവിഡ് സ്രവ സാംപിൾ ശേഖരണം നഴ്സുമാരെ ഏൽപിക്കുന്നതിനെതിരെ പ്രതിഷേധവുമായി സർക്കാർ നഴ്സുമാരുടെ സംഘടന രംഗത്തെത്തി. ഡോക്ടർമാരുടെ ഉത്തരവാദിത്തം നഴ്സുമാരിൽ അടിച്ചേൽപിക്കുന്നുവെന്നാണ് കെ ജി എൻ എ യുടെ ആക്ഷേപം. ഇതിന് ആരോഗ്യ വകുപ്പും കൂട്ടുനിൽക്കുന്നുവെന്നും സംഘടന ആരോപിച്ചു. സാംപിൾ ശേഖരണത്തിന് സ്റ്റാഫ് നഴ്സുമാരേയും ലാബ് ടെക്നീഷ്യന്മാരേയും കൂടി ചുമതലപ്പെടുത്തി ഇന്നലെയാണ് ഉത്തരവിറങ്ങിയത്.
