മറൈൻ ‍ ഡ്രൈവ് നവീകരണം; മാസ്റ്റർ പ്ലാൻ വേണമെന്ന് ഹൈക്കോടതി

kochi-marine-drive
SHARE

കൊച്ചി മറൈന്‍ ഡ്രൈവ് നവീകരിക്കാന്‍  മാസ്റ്റര്‍ പ്ലാന്‍ വേണമെന്ന് ഹൈക്കോടതി . മറൈന്‍ ഡ്രൈവ് സംരക്ഷിക്കുന്നതില്‍ ബന്ധപ്പെട്ടവര്‍ വീഴ്ചവരുത്തിയെന്ന  പൊതുതാല്‍പര്യഹര്‍ജിയില്‍ വിശാലകൊച്ചി വികസന അതോറിറ്റിക്ക് ഹൈക്കോടതി നോട്ടീസയച്ചു .  

പാരിസിന് ഈഫല്‍ ടവറും  ലണ്ടന് ടവര്‍ ബ്രിഡ്ജും  മുംെബയ്ക്ക ്ഗേറ്റ് വേ ഒാഫ് ഇന്ത്യയും പോലാണ് കൊച്ചിക്ക് മറൈന്‍ ഡ്രൈവ് . എന്നിട്ടും ഈ മനോഹരതീരം സംരക്ഷിക്കുന്നകാര്യത്തില്‍ ബന്ധപ്പെട്ടവര്‍ക്ക് കടുത്ത അനാസ്ഥയെന്ന് ചൂണ്ടിക്കാട്ടിയാണ്  കൊച്ചി സ്വദേശി രഞ്ജിത് ജി തമ്പി പൊതുതാല്‍പര്യ ഹര്‍ജി നല്‍കിയത്. മറൈന്‍ ഡ്രൈവിനെ മനോഹരമാക്കാന്‍  വിശാല കൊച്ചി വികസന അതോറിറ്റിയാണ് ഒട്ടേറെ പദ്ധതികള്‍ നടപ്പാക്കിയത് . എന്നാല്‍ തുടര്‍ പ്രവര്‍ത്തനങ്ങള്‍ ഒന്നും നടക്കുന്നില്ല . വാക്്വേയില്‍ പാകിയ ടൈലുകള്‍ പലയിടത്തും ഇളകികിടക്കുന്നു.

അഴുക്കുചാലില്ലാത്തതും സഞ്ചാരികള്‍ക്ക് പ്രശ്നങ്ങള്‍ സൃഷ്ടിക്കുന്നു . പലയിടത്തും വഴിവിളക്കുകള്‍ കത്തുന്നില്ല . സാഞ്ചാരികള്‍ക്ക് ഇരിക്കാനായി സ്ഥാപിച്ചിട്ടുള്ള ബെഞ്ചുകളും തകര്‍ന്നു കിടക്കുന്നു . ഇവിടെ കുന്നുകുടുന്ന മാലിന്യം സ്ഥിരമായി നീക്കാനും സംവിധാനമില്ല . ഈ ഭാഗത്തെ ഫ്ളാറ്റുകളില്‍ നിന്നടക്കം മാലിന്യം കായലില്‍ നിക്ഷേപിക്കുന്നുണ്ട് . ഈ സാഹചര്യത്തില്‍ മറൈന്‍ ഡ്രൈവ് സംരക്ഷിക്കാന്‍  ബന്ധപ്പെട്ടവര്‍ക്ക് നിര്‍ദേശം നല്‍കണമെന്നാണ് ഹര്‍ജിയിലെ ആവശ്യം . ഹര്‍ജി പരിഗണിച്ച ചീഫ് ജസ്്റ്റീസ് ഋഷികേശ് റോയിയും ജസ്റ്റീസ് എകെ ജയശങ്കരന്‍ നമ്പ്യാരും  അടങ്ങിയ ഡിവിഷന്‍ ബെഞ്ചാണ് ജിസിഡിഎയ്ക്ക് നോട്ടീസ് നല്‍കിയത് .

MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...