കൊല്ലം നഗരസഭയുടെ കയ്യേറ്റം ഒഴിപ്പിക്കലിനെതിരെ പ്രതിഷേധം; ഒഴിപ്പിക്കൽ തുടരുന്നു

congprt
SHARE

 എല്‍ഡിഎഫ് ഭരിക്കുന്ന കൊല്ലം നഗരസഭയുടെ കയ്യേറ്റം ഒഴിപ്പിക്കലിനെതിരെ കോണ്‍ഗ്രസ് നടത്തിയ സമരത്തില്‍ നിന്നു പ്രതിപക്ഷനേതാവ് അടക്കമുള്ള യുഡിഎഫ് കൗണ്‍സിലര്‍മാര്‍ വിട്ടു നിന്നു.  പ്രതിപക്ഷ കൗണ്‍സിലര്‍മാര്‍ക്കെതിരെ നടപടി എടുക്കണമെന്ന് ഡിസിസി ഭാരവാഹികള്‍ ഉള്‍പ്പടെയുള്ളവര്‍ ജില്ലാ പ്രസിഡന്റിനോട് ആവശ്യപ്പെട്ടു. 

പൊതുസ്ഥലങ്ങള്‍ കൈയേറിയുള്ള അനധികൃത കച്ചവടങ്ങളും നിര്‍മാണങ്ങളും നീക്കം ചെയ്യുന്ന നഗരസഭയുടെ ഓപ്പറേഷന്‍ ഈസി വോകിനെതിരെ ആദ്യം രംഗത്തെത്തിയത് സിഐടിയുവായിരുന്നു. ഇതിനു പിന്നാലെയാണ്  ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ നഗരസഭയിലേക്ക് മാര്‍ച്ച് സംഘടിപ്പിച്ചത്. എന്നാല്‍ കോണ്‍ഗ്രസിന്റെ രണ്ടു കൗണ്‍സിലര്‍മാര്‍ മാത്രമാണ് സമരത്തില്‍ പങ്കെടുത്തത്.

പ്രതിഷേധങ്ങൾക്കിടയിലും ഒഴിപ്പിക്കൽ തുടരുകയാണ്.പാതയോരങ്ങളും നടപാതകളും കൈയേറിയുള്ള കച്ചവടങ്ങള്‍ക്കെതിരെ പരാതി വ്യാപകമായതോടെയാണ് ഇവ പൊളിച്ചു മാറ്റാന്‍ കൗണ്‍സില്‍ യോഗം ഐകകണ്ഠേന തീരുമാനിച്ചത്.

MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.