'ക്ഷമ പരീക്ഷിക്കരുത്, കരുത്ത് വില കുറച്ച് കാണരുത്'; മുന്നറിയിപ്പുമായി നരവനെ

army-day
SHARE

ചൈനയ്ക്കും പാക്കിസ്ഥാനും ശക്തമായ താക്കീതുമായ കരസേന മേധാവി ജനറൽ എം.എം.നരവനെ. ക്ഷമ പരീക്ഷിക്കരുതെന്നും  ഇന്ത്യയുടെ കരുത് വില കുറച്ച് കാണരുതെന്നും കരസേനദിന ചടങ്ങിൽ ജനറൽ നരവനെ മുന്നറിയിപ്പ് നൽകി. ഇന്ത്യ -പാക്ക് അതിർത്തിയിൽ 400 ഭീകരർ നുഴഞ്ഞുകയറാൻ സജ്ജമായി നിൽക്കുകയാണെന്നും അദ്ദേഹം ആരോപിച്ചു. 

73-ാം കരസേനാ ദിനത്തിലാണ് ജനറൽ എം.എം. നരവനെയുടെ ശക്തമായ വാക്കുകൾ. ഇന്ത്യ - ചൈന അതിർത്തിയിലെ സംഘർഷം രമ്യമായി പരിഹരിക്കാൻ ശ്രമം. ഗൽവാനിൽ വീരചരമം വരിച്ചവരുടെ ജീവത്യാഗം വെറുതേ പോവില്ല. ചൈന ഇന്ത്യയുടെ ക്ഷമ പരീക്ഷിക്കരുത്. 

ഇന്ത്യയിലേക്ക് നുഴഞ്ഞുകയറാൻ ഇന്ത്യാ-പാക്ക് അതിർത്തിയോടു ചേർന്നുള്ള ക്യാമ്പുകളിൽ 400 ഭീകരരാണുള്ളത്. കഴിഞ്ഞ വർഷം 200 ഭീകരരെ സുരക്ഷാസേന വധിച്ചു. അതിർത്തിയിൽ പാകിസഥാന്റെ വെടിനിർത്തൽ കരാർ ലംഘനങ്ങൾ 44 ശതമാനം കൂടി. പാക്കിസ്ഥാൻ ദീകർവാദം സ്പോൺസർ ചെയ്യുന്നുവെന്നും ജനറൽ നരവനെ ആരോപിച്ചു . രാവിലെ ദേശീയ യുദ്ധ സ്മാരകത്തിൽ സംയുക്ത സൈനിക മേധാവി ജനറൽ ബിപിൻ റാവത്തും ജനറൽ നരവനെയും പുഷ്പചക്രം അർപ്പിച്ചു. രാഷ്ട്രത്തിനായി ജീവത്യാഗം ചെയ്ത സൈനികരുടെ കുടുംബാംഗങ്ങളോട് രാജ്യം എന്നും കടപ്പെട്ടിരിക്കുന്നുവെന്ന് രാഷ്ട്രപതി റാംനാഥ് കോവിന്ദും പ്രധാനമന്ത്രി നരേന്ദ്രമോദിയും ട്വിറ്ററിൽ കുറിച്ചു.

MORE IN INDIA
SHOW MORE
Loading...
Loading...