ഡൽഹി തിരഞ്ഞെടുപ്പ് ഫലം പുറത്തുവന്നതിന് പിന്നാലെ പലവിധത്തിലുള്ള ചർച്ചകളാണ് രാജ്യത്ത് പുരോഗമിക്കുന്നത്. ഇതിനിടയിൽ വമ്പൻ വിജയം സ്വന്തമാക്കിയ കേജ്രിവാളിനെയും പാർട്ടിയെയും അഭിനന്ദിച്ച് പ്രധാനമന്ത്രി നരേന്ദ്രമോദി രംഗത്തെത്തിയിരുന്നു. ട്വീറ്ററിലൂടെയാണ് അദ്ദേഹം ആശംസ അറിയിച്ചത്. നിമിഷങ്ങൾക്കുള്ളിൽ തന്നെ മറുപടി ട്വീറ്റുമായി കേജ്രിവാളും എത്തി.
‘ഡൽഹി തിരഞ്ഞെടുപ്പിൽ വിജയിച്ച എഎപിക്കും അരവിന്ദ് കേജ്രിവാൾ ജീക്കും അഭിനന്ദനങ്ങൾ. ഡൽഹി ജനങ്ങളുടെ ആഗ്രഹങ്ങൾ സഫലമാക്കാൻ എല്ലാ വിധ ആശംസകളും നേരുന്നു.’ മോദി കുറിച്ചു. ഇതിന് കേജ്രിവാൾ നൽകിയ മറുപടി ഇങ്ങനെ.‘ഒരുപാട് നന്ദിയുണ്ട് സാർ. രാജ്യത്തിന്റെ തലസ്ഥാനത്തെ ലോകോത്തര നിലവാരമുള്ള നഗരമാക്കി മാറ്റുവാൻ കേന്ദ്രസർക്കാരിനൊപ്പം ചേർന്ന് പ്രവര്ത്തിക്കാൻ ശ്രമിക്കും’ കേജ്രിവാൾ കുറിച്ചു.