ബിജെപിയിൽ അംഗത്വമെടുത്ത മുസ്‌ലിം വനിതയോട് വാടകവീട്ടിൽ നിന്ന് ഇറങ്ങാൻ ഉടമ ആവശ്യപ്പെട്ടെന്ന് പരാതി. ഉത്തർ പ്രദേശിലെ അലിഗഡിൽ ഗുലിസ്തന എന്ന യുവതിക്കാണ് ദുരനുഭവം.
സംഭവത്തെക്കുറിച്ച് ഗുലിസ്തന പറയുന്നതിങ്ങനെ– ''കഴിഞ്ഞ ദിവസം ഞാൻ ബിജെപിയിൽ ചേർന്നു. ഇതറിഞ്ഞ ഉടമ എന്നോട് അപമര്യാദയായി പെരുമാറി, ഉടൻ തന്നെ വീടൊഴിയണം എന്നാവശ്യപ്പെട്ടു''.
സംഭവത്തിൽ കേസ് രജിസ്റ്റർ ചെയ്തെന്ന് അലിഗഡ് സീനിയർ സൂപ്രണ്ട് ആകാശ് കുൽഹരി പറഞ്ഞു. "വീട്ടുടമസ്ഥന്റെ അമ്മ വാടകക്കാരിയോട് നാലായിരം രൂപ വൈദ്യുതി ബില്ലായി ആവശ്യപ്പെട്ടു. ഇതേ ചൊല്ലി തർക്കമുണ്ടായപ്പോഴാണ് ബിജെപിയിൽ ചേർന്നതിനെ ചൊല്ലിയും വാഗ്വാദം നടന്നതെന്ന് കുൽഹരി പറയുന്നു.
