കൊറോണ വൈറസ് രാജ്യങ്ങളിൽ നിന്നും രാജ്യങ്ങളിലേക്ക് പടരുകയാണ്. ഇക്കൂട്ടത്തിൽ മലയാളികൾ ഏറെയുള്ള ഗൾഫ് രാജ്യങ്ങളും പട്ടികയിലുണ്ട്. ഭക്ഷണ സാധനങ്ങൾക്ക് ക്ഷാമം നേരിടുമോ എന്ന ആശങ്ക നിലനിൽക്കുന്ന കുവൈത്തിലേക്ക് ചാർട്ടർ വിമാനത്തിൽ പഴങ്ങളും പച്ചക്കറികളും എത്തിച്ച് ലുലു ഗ്രൂപ്പ്.
കുവൈത്തിൽ ആദ്യമായാണ് ലുലു ഗ്രൂപ്പ് ചാർട്ടർ വിമാനത്തിൽ പഴങ്ങളും പച്ചക്കറികളും ഇറക്കുമതി ചെയ്യുന്നത്. ‘സ്പൈസ് എക്സ്പ്രസ്’ ജെറ്റ് കാർഗോ വിമാനത്തിൽ 16.5 ടൺ പഴങ്ങളും പച്ചക്കറികളുമാണ് ഇറക്കുമതി ചെയ്തത്. ചാർട്ടർ വിമാനത്തിൽ കൊണ്ടുവന്നത് കൊണ്ട് സാധനങ്ങൾ വില അധികമാവില്ലെന്നും പുതുതായി എത്തിയ സ്റ്റോക്ക് വിലക്കയറ്റം ഉണ്ടാവാതിരിക്കാൻ സഹായിക്കുകയാണ് ചെയ്യുകയെന്നും അധികൃതർ വ്യക്തമാക്കുന്നു.