ഭീകരതയ്ക്കെതിരെ ഒരുമിച്ചു നീങ്ങുമെന്ന പ്രഖ്യാപനവുമായി പ്രധാനമന്ത്രി നരേന്ദ്ര മോദിയും സൗദി ഭരണാധികാരി സൽമാൻ രാജാവും. ഇരുവരും റിയാദിൽ നടത്തിയ കൂടിക്കാഴ്ചയിൽ ഭീകരത പ്രധാന ചർച്ചാ വിഷയമായി. ആഗോള നിക്ഷേപ സംഗമത്തിൽ പങ്കെടുത്ത മോദി, വ്യവസായികളെ നിക്ഷേപത്തിനായി ഇന്ത്യയിലേക്ക് ക്ഷണിച്ചു.
എണ്ണ, പ്രകൃതി വാതകം, സമുദ്ര സുരക്ഷ, വ്യാപാര വ്യവസായം, കൃഷി തുടങ്ങിയ മേഖലകളിൽ സഹകരണം ശക്തമാക്കാനും തീരുമാനമായി. ജോർദാൻ രാജാവ് അബ്ദുല്ല രണ്ടാമനുമായും മോദി റിയാദിൽ ചർച്ച നടത്തി. ഭീകരതയും മേഖലയിലെ നിലവിലെ സാഹചര്യങ്ങളും ചർച്ചാ വിഷയമായി.
