ട്രക്കിൽ മനുഷ്യക്കടത്ത്; 18 പേരെ പിടികൂടി

അനധികൃതമായി യുഎഇയിലേക്ക് കടക്കാൻ ശ്രമിച്ച 18 പേരെ അബുദാബി പൊലീസ് പിടികൂടി. ട്രക്കിൽ രഹസ്യ അറയുണ്ടാക്കി അതിൽ കിടത്തിയാണ് ആളുകളെ നിയമവിരുദ്ധമായി രാജ്യത്തേക്ക് കടത്താൻ ശ്രമിച്ചത്.

അൽഐനിലെ ഖത്തം അൽഷക്്ല പോർട്ടിലെ പരിശോധനയിലാണ് മനുഷ്യക്കടത്ത് പിടികൂടിയത്. ഏതാനും സ്ത്രീകളും സംഘത്തിലുണ്ട്. രഹസ്യവിവരത്തെ തുടർന്ന് അബുദാബി പൊലീസ്, അൽഐൻ കസ്റ്റംസിന്റെ സഹായത്തോടെയാണു പിടികൂടിയത്. നിയമലംഘനത്തിന് കൂട്ടുനിന്നവർക്കെതിരെ ശക്തമായ നടപടി സ്വീകരിക്കുമെന്നും പൊലീസ് അറിയിച്ചു.