19 കോടി നേടിയ ഇന്ത്യക്കാരനെ കാണാനില്ല; ഫോണെടുത്തത് കൊച്ചുകുട്ടി

big-ticket
SHARE

അബുദാബി ബിക്ക് ടിക്കറ്റ് നറുക്കെടുപ്പിൽ 18.62 കോടി രൂപ നേടിയ ഇന്ത്യക്കാരനെ കാണാനില്ല. മുംബൈ സ്വദേശി രവീന്ദ്ര ബോലൂറാണ് 18.62 കോടി രൂപ നേടിയ ഭാഗ്യവാൻ. വിവരം അറിയിക്കാനായി ഫോണില്‍ ബന്ധപ്പെട്ടപ്പോള്‍ ഒരു ചെറിയ കുട്ടിയാണ് ഫോണെടുത്തത്. സമ്മാനം ലഭിച്ച വിവരം അറിയിക്കാനായി ടിക്കറ്റിൽ രേഖപ്പെടുത്തിയ നമ്പറിൽ നിന്നുമാണ് ഫോൺ വിളിച്ചത്.

രവീന്ദ്ര മുംബൈയിലേക്ക് പോയിരിക്കുകയാണ്, ഒരാഴ്ച കഴിഞ്ഞു വിളിക്കാനു മറുപടി ലഭിച്ചത്. പിന്നീട് പല തവണ വിളിച്ചിട്ടും മറുപടി ലഭിച്ചില്ല. തുടർന്ന് ഭാഗ്യശാലിയെ കണ്ടെത്താൻ സഹായിക്കണമെന്ന് ആവശ്യപ്പെട്ട് ബിഗ് ടിക്കറ്റ് വീഡിയോ സന്ദേശം ഇറക്കി.

ബിഗ് ടിക്കറ്റിന്‍റെ 202-ാം സീരീസിൽ ഒരു കോടി ദിർഹം സമ്മാനത്തുകയുള്ള നറുക്കെടുപ്പിലെ വിജയിയാണ് രവീന്ദ്ര. സുഹൃത്തുക്കളുമായി ചേർന്ന് എടുത്ത 085524 നമ്പർ ടിക്കറ്റിലൂടെയാണ് ഭാഗ്യം കൈവന്നത്.

രണ്ടാം സമ്മാനമായ ലാൻഡ് റോവർ ലഭിച്ചതും ഇന്ത്യക്കാരനായ കുമാര ഗണേശനാണ്. പത്തു ഭാഗ്യശാലികളിൽ അഞ്ചു പേർ ഇന്ത്യക്കാരാണ്. 80,000, 20,000, 10,000 ദിർഹംവീതമാണ് മറ്റ ഇന്ത്യക്കാർക്ക് ലഭിച്ചത്. കഴിഞ്ഞ മൂന്നു തവണത്തെ നറുക്കെടുപ്പിലും മലയാളികൾക്കായിരുന്നു സമ്മാനം.


MORE IN GULF
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.