‘ഉപ്പാച്ചീ പ്ലീസ്.. ഉപ്പ എന്നെയൊന്ന് ഗൾഫിൽ കൊണ്ടുപോകുവോ? എന്റെ ക്ലാസിലെ നാലുകുട്ടികള് പോകുന്നുണ്ട്. എന്നെയും കൂടിയെന്ന് കൊണ്ടുപോ ഉപ്പ..’ പ്രവാസിയായാ ഉപ്പയുടെ ചങ്ക് പിടയുന്ന വാക്കുകളായിരുന്നു അവളുടെത്. മകളെ ഗൾഫ് കാണിക്കാൻ സാമ്പത്തികം അനുവദിച്ചിരുന്നില്ല ആ ഉപ്പയെ. ഒരു വിഡിയോ പങ്കുവച്ച് പറയാതെ പറഞ്ഞ ഉപ്പയുടെ സങ്കടങ്ങൾ കണ്ണീരോടെയാണ് പ്രവാസലോകം കണ്ടിരുന്നത്.
സോഷ്യൽ മീഡിയയിലൂടെ ഇൗ വിഡിയോ വൈറലായതോടെ ഫാത്തിമ ഫിദയെ ഗൾഫ് കാണിക്കാൻ ഒട്ടേറേ പേർ രംഗത്തുവന്നു. ഇപ്പോഴിതാ ആ ആഗ്രഹം സഫലമായെന്ന് ഫാത്തിമ തന്നെ സോഷ്യൽ ലോകത്തോട് വിളിച്ചുപറഞ്ഞിരിക്കുകയാണ്. വിഡിയോ കാണാം.
