ചാവക്കാട് ബ്ലാങ്ങാട് സ്വദേശി മുസ്ലിയാം വീട്ടിൽ എം. വി. അബ്ദുൽ റഹിമാൻ (69) ദുബായിൽ നിര്യാതനായി. പനി ബാധിച്ചതിനെ തുടർന്ന് രണ്ടു ദിവസം മുൻപ് ദുബായിലെ ആശുപത്രിയിൽ പ്രവേശിപ്പിച്ചിരുന്നു. കഴിഞ്ഞ 45 വർഷമായി ദെയ്റയിലെ ഗൾഫ് ജനറൽ ട്രേഡിങ് എന്ന സ്ഥാപനത്തിൽ ജനറൽ മനേജറായി ജോലി ചെയ്തു വരികയായിരുന്നു.
നിയമ നടപടികൾ പൂർത്തിയാക്കി ഇന്ന് (വ്യാഴം) രാത്രിയിലെ എയർ ഇന്ത്യാ വിമാന ത്തിൽ മൃത ദേഹം നാട്ടിൽ എത്തിച്ച് നാളെ വെള്ളിയാഴ്ച ജുമാ നമസ്കാരത്തിനു മുൻപായി ബ്ലാങ്ങാട് പള്ളി ഖബർ സ്ഥാനിൽ ഖബറടക്കം നടക്കും.
പരേതനായ ഖത്തീബ് എം. സി. കുഞ്ഞു മുഹമ്മദ് മുസ്ലിയാരുടെ ഏഴു മക്കളില് മൂത്തയാളാണ് അബ്ദുല് റഹിമാന്. വെളിയങ്കോട് കുറോട്ടില് ഉമ്മറിൻ്റെ മകള് റംലയാണു ഭാര്യ. മക്കൾ: ബിനില് റഹ്മാന്, അജ്മല്, ഷിന്സി, ജിജി.