E mail

    Password

    Forgot your password ?

    OR
    ×
  • Sign Out

Last Updated Thursday March 11 2021 10:06 AM IST

Facebook
Twitter
Google Plus
Youtube

Other stories in Gulf

വികസനക്കുതിപ്പിൽ സൗദി: 500 ബില്യൻ ഡോളർ ചെലവിൽ മെഗാ നഗരം

Your form is submitted successfully.

Recipient's Mail:*

( For more than one recipient, type addresses seperated by comma )

Your Name:*

Your E-mail ID:*

Your Comment:

Enter the letters from image :

saudi-niom
Text Size
Your form is submitted successfully.

Recipient's Mail:*

( For more than one recipient, type addresses seperated by comma )

Your Name:*

Your E-mail ID:*

Your Comment:

Enter the letters from image :

ജിദ്ദ:   സമ്പദ്ഘടനയെ   വൈവിധ്യവൽക്കരിക്കാനായി   സൗദി  അറേബ്യ  ആവിഷ്കരിച്ച   വിഷൻ  2030  വിഭാവന  ചെയ്യുന്ന  അത്യാധുനിക  മെഗാ  സിറ്റിയുടെ  നിർമാണം   കിരീടാവകാശി     മുഹമ്മദ്  സൽമാൻ    രാജകുമാരൻ  ഔദ്യോഗികമായി   പ്രഖ്യാപിച്ചു.   സൗദിയുടെ  വടക്കു   പടിഞ്ഞാറായി    ചെങ്കടൽ   തീരത്തെ     26,500  ചതുരശ്ര   കിലോമീറ്റർ  പ്രദേശത്തു   രൂപം     കൊള്ളാനിരിക്കുന്ന   നാഗരിക  പദ്ധ്വതി  'നിയോം'  എന്ന   പേരിലായിരിക്കും  അറിയപ്പെടുക.      ഊർജം,  വെള്ളം,   ബയോടെക്‌നോളജി,    ആഹാരം,     വ്യവസായം,  വിനോദം  തുടങ്ങിയവ   സമന്വയിപ്പിച്ചു  കൊണ്ടുള്ള    സൗദി  പദ്ധതി   വരും  കാലത്തിന്റെ    വികസന   വിസ്മയമായിരിക്കും.

  

അന്തർദേശീയമായ   നവീന  സങ്കേതങ്ങളെയും   നിർമാണ  രീതികളെയും    പരിപോഷിപ്പിച്ചു   കൊണ്ട്    തദ്ദേശിയമായ    വ്യവസായത്തിന്റെയും      തൊഴിലവസങ്ങളുടെയും    ഉത്തേജനവും  അതിലൂടെ  വൈവിധ്യവത്കരണവും    വികസനവുമാണ്   ലക്ഷ്യമാക്കുന്നതെന്നു    നിക്ഷേപങ്ങൾക്കും   സാമ്പത്തിക   ഉത്ഥാനത്തിനും  വേണ്ടി   രൂപവത്കരിച്ച  പബ്ലിക്  ഇൻവെസ്റ്റ്മെന്റ്  ഫണ്ട്  ചെയര്മാന്  കൂടിയായ   കിരീടാവകാശി  മുഹമ്മദ്  സൽമാൻ    വിവരിച്ചു.

"നിയോം"  നിർമാണത്തിന്     500   ബില്യൺ  ഡോളർ  ആണ്  സൗദി    പബ്ലിക്  ഇൻവെസ്റ്റ്മെന്റ്   ഫണ്ട്   നൽകുക.     പ്രാദേശിക, വിദേശ  നിക്ഷേപകർക്കും      പൊതു, സ്വകാര്യ   നിക്ഷേപങ്ങൾക്കും  അതിശയിപ്പിക്കുന്ന     അവസരമായിരിക്കും    "നിയോം"  ഒരുക്കുക.     അഖബാ  ഉൾക്കടൽ    തീരത്തെ   ജോർദാൻ,  ഈജിപ്ത്   രാജ്യങ്ങൾ   സ്പർശിച്ചു  കൊണ്ടുള്ള    460   കിലോമീറ്ററിൽ    പണിയുന്ന    നഗരത്തിന്  ഊർജം  പകരുക   സൂര്യനും   കാറ്റും  മാത്രമായിരിക്കും.    അത്യാധുനികവും    മനോഹരവുമായ    ജീവിത  സാഹചര്യങ്ങളാവും  നഗരത്തിലെ   നിവാസികൾക്ക്‌  സജ്ജീകരിക്കുക.

ആഗോള  എണ്ണ   വിപണിയിലെ  വിലയിടിവിനെ   തുടർന്ന്    സൗദി   സമ്പദ്ഘടനയെ   എണ്ണയെ  മാത്രം  ആശ്രയിക്കുക   എന്ന  നിലവിലെ  അവസ്ഥയിൽ ഒരു പൊളിച്ചെഴുത്ത്   വരുത്തുകയാണ്   ലക്ഷ്യം.   ഇതിനായി  രൂപം  കൊടുത്തതാണ്   സൗദിയുടെ  വിഷൻ   2030,  ദേശീയ  പരിവർത്തന   രേഖയായ  2020   എന്നിവ.  

എണ്ണ   ഭീമൻ   സൗദി  ആരാംകോയുടെ  ഓഹരികൾ   വിൽക്കൽ,  സ്ത്രീകളുടെ   ഡ്രൈവിങ്  വിലക്ക്  നീക്കൽ  തുടങ്ങിയ   വിപ്ലവകരമായ    കാൽവെയ്പുകളിലൂടെ   മുന്നോട്ടു    ഗമിക്കുന്ന    സൗദി  അറേബ്യയുടെ   മറ്റൊരു     അഭിമാന    നേട്ടമായിരിക്കും   2025   ഓടെ   ആദ്യ  ഘട്ടം    പൂർത്തിയാവുന്ന   "നിയോം".   ഇതുസംബന്ധിച്ച   കൂടുതൽ  വിവരങ്ങൾ    http://dicoverneom.com   സെറ്റിൽ   ലഭ്യമാണെന്ന്   പബ്ലിക്  ഇൻവെസ്റ്റ്മെന്റ്  ഫണ്ട്   പത്രക്കുറിപ്പ്   പറഞ്ഞു.  

ജർമൻകാരനായ   ബിസിനെസ്സ്  മാനേജ്‌മെന്റ്    രംഗത്തെ  ആഗോള   വ്യക്തിത്വം  ക്ലോസ് കെൻഫീൽഡ്     ആണ്  "നിയോം"  പദ്ധതി  പ്രസിഡന്റ്.

കിരീടാവകാശി   മുഹമ്മദ്  സൽമാൻ  രാജകുമാരൻ   പ്രഖ്യാപിച്ച  "നിയോം"  പദ്ധ്വതിയ്ക്ക്   സൽമാൻ  രാജാവിന്റെ     അധ്യക്ഷതയിൽ    റിയാദിൽ   ചേർന്ന   സൗദി   മന്ത്രിസഭാ  യോഗം ആശംസകൾ  നേർന്നു.