അമിത വേഗത്തില്‍ പോയ കാറിനെയും ഡ്രൈവറെയും പൊലീസ് പിടികൂടി. ഷെയ്ഖ് മക്തൂം റോഡില്‍ 187 കിലോമീറ്റര്‍ വേഗത്തില്‍ പോയ കാറിന്റെ നിയമലംഘനം സ്നൈപര്‍ ക്യാമറയാണ് പകര്‍ത്തിയത്. തുടര്‍ന്ന് കാറിന്റെ മുന്‍വശത്തെ ചില്ല് പറന്നുപോകുന്ന ഫോട്ടോയും പൊലീസ് പുറത്തുവിട്ടു.
ചില്ല് ഈയിടെ മാറ്റിയിരുന്നതായി ഉടമ പൊലീസിനോട് പറഞ്ഞു. അംഗീകൃത വര്‍ക് ഷോപ്പുകളില്‍നിന്ന് സമയബന്ധിതമായി വാഹനം അറ്റകുറ്റപ്പണി നടത്തണമെന്ന് പൊലീസ് ഓര്‍മിപ്പിച്ചു. അമിത വേഗത്തിലോടുന്നവരെ പിടികൂടാന്‍ എമിറേറ്റില്‍ സ്നൈപര്‍ ക്യാമറ വ്യാപകമാക്കുമെന്നും പൊലീസ് വ്യക്തമാക്കി.
×