ദുബായ് : ഗള്ഫിലെ പുതിയ തൊഴിലവസരങ്ങളും സംരംഭക സാധ്യതകളും പരിഗണിച്ച് ദുബായ് കെ.എം.സി.സി സൗജന്യ മൊബൈല് ഫോണ് സാങ്കേതിക പരിശീലനം നല്കുന്നു. 60 മണിക്കൂര് കൊണ്ട് പൂര്ത്തീകരിക്കാന് കഴിയുന്ന ഈ പരിശീലന പരിപാടിയുടെ ഭാഗമായി 200 മണിക്കൂര് ഓണ്ലൈന്
പിന്തുണ ലഭിക്കും.ബ്രിറ്റ്ക്കൊ ആന്ഡ് ബ്രിറ്റ്ക്കൊയുമായി സഹകരിച്ച് എല്ലാ വെള്ളിയാഴ്ചകളിലും രാവിലെ എട്ട് മുതല് അര്ധരാത്രി 12 വരെ അല് ബറാഹ ആസ്ഥാനത്താണ് പരിശീലനം.
കംപ്യൂട്ടർ പരിജ്ഞാനമുള്ള ആര്ക്കും ഈ ക്ലാസില് പ്രവേശനത്തിന് അപേക്ഷിക്കാം. കംപ്യൂട്ടർ ലാബ് ഉള്പ്പെടെയുള്ള സൗകര്യങ്ങള് ഒരുക്കും. പരിശീലനത്തിനാവശ്യമായ ടൂള് കിറ്റ് മാത്രമാണ് പഠിതാക്കള് കൊണ്ടുവരേണ്ടത്. സര്ട്ടിഫിക്കറ്റും തൊഴില് നേടുന്നതിനുള്ള സഹായവും ദു
ബായ് കെഎംസിസി ലഭ്യമാക്കുമെന്ന് പ്രസിഡന്റ് പി.കെ. അന്വര് നഹയും ആക്ടിങ് ജനറൽ സെക്രട്ടറി ഇസ്മായില് ഏറാമലയും അറിയിച്ചു.
മുന്കൂട്ടി റജിസ്റ്റര് ചെയ്തവരില് നിന്ന് പ്രവേശന പരീക്ഷയിലൂടെ തിരഞ്ഞെടുക്കുന്നവര്ക്കാണ് പ്രവേശനം. ആദ്യ ബാച്ചില് പ്രവേശനം ആഗ്രഹിക്കുന്നവര് ഇൗ മാസം 27 ന് മുമ്പ് ബറാഹ കെ.എം.സി.സി ഓഫീസില് നിന്നു ലഭിക്കുന്ന പ്രവേശന ഫോറം പൂരിപ്പിച്ച് നല്കണമെന്ന് മൈ ഫ്യൂച്ചര് ചെയര്മാന് അഡ്വ:സാജിദ് അബൂബക്കര്, കണ്വീനര് ഷഹീര് കൊല്ലം എന്നിവര് അറിയിച്ചു. ഫോൺ: 04 2727773.