മക്കളെ വളർത്താൻ പഠിപ്പിച്ച അഹാന; ഹൃദ്യ കുറിപ്പുമായി കൃഷ്ണകുമാർ

krishnakumar-family3
SHARE

നടൻ കൃഷ്ണകുമാറും മക്കളും മലയാളിയുടെ പ്രിയങ്കരരാണ്. അദ്ദേഹവും മക്കളും തങ്ങളുടെ വിശേഷങ്ങൾ സമൂഹമാധ്യമത്തിടെ പങ്കുവയ്ക്കുക പതിവാണ്. ഇപ്പോഴിതാ മൂത്തമൾ അഹനായുടെ ചിത്രം പങ്കുവച്ച് ഹൃദയഹാരിയായ കുറിപ്പ് പങ്കുവയ്ക്കുകയാണ് കൃഷ്ണകുമാർ. താൻ മക്കളെ വളർത്താൻ പഠിച്ചത് മൂത്ത മകളായ അഹാനയെ വളർത്തിയാണെന്നും കുടുംബജീവിതത്തിൽ മാതാപിതാക്കളും മക്കളുമായി സ്നേഹത്തിൽ ജീവിച്ചാൽ സ്വർഗമാണെന്നും നടൻ കൃഷ്ണകുമാർ പറയുന്നു. സമൂഹമാധ്യമത്തിൽ പങ്കു വച്ച കുറിപ്പിലാണ് താരത്തിന്റെ ഇൗ തുറന്നു പറച്ചിൽ. 

അദ്ദേഹത്തിന്റെ കുറിപ്പ് വായിക്കാം. 

ജീവിതം ഒരു യാത്രയാണ്. അനുഗ്രഹീതമായൊരു യാത്ര. നന്മയും തിന്മയും കൂടികലർന്ന  ഒരു യാത്ര. ആ യാത്രയിൽ ഇടയ്ക്കു വെച്ച് ചിലർ കൂടി വന്നു ചേരും... മക്കൾ. ആക്കൂട്ടത്തിൽ ആദ്യം  വന്നു  ചേർന്ന ആളാണ്‌ അഹാന.  ഞങ്ങൾ മക്കളെ വളർത്താൻ  പഠിച്ചത് ആഹാനയെ വളർത്തിയാണ്.  പല പോരായ്മകൾ ഉണ്ടായി കാണാം അന്ന്.  അവർ കുഞ്ഞായിരുന്നത് കൊണ്ട് സഹിച്ചു കാണും. അവർ ഇന്ന് വലുതായി. സ്വന്തം കാലിൽ നിൽക്കാൻ പഠിച്ചു. അവരിലും നന്മകളും  പോരായ്മകലും  കാണും.  പണ്ട് നമ്മളെ സഹിച്ചതു പോലെ  അവരുടെ പോരായ്മകളും സ്നേഹത്തോടെ സഹിക്കുക. സ്നേഹത്തോടെ പറഞ്ഞു മനസ്സിലാക്കുക. 

കുടുംബജീവിതത്തിൽ മാതാപിതാക്കളും മക്കളുമായി സ്നേഹത്തിൽ ജീവിച്ചാൽ സ്വർഗമാണ്. തിരിച്ചായാൽ നരകവും. സ്നേഹവും വിട്ടുവീഴ്ചയും ഉണ്ടായാൽ കുടുംബജീവിതം സുഖകരമാണ്. മാതാപിതാക്കൾക്കാണ് വിട്ടുവീഴ്ച ചെയ്യാൻ കൂടുതൽ സാധ്യത. കാരണം ജീവിതാനുഭവം, പ്രായം,  പക്വത എല്ലാമുണ്ട്.. മാതാപിതാക്കളുടെ മനസ്സ്  മനസിലാക്കാൻ മക്കൾക്ക്‌ കഴിഞ്ഞാൽ നമ്മൾ മാതാപിതാക്കന്മാർ അനുഗ്രഹീതരും. കാരണം അവരും  നാളെ മാതാപിതാക്കൾ ആവേണ്ടവർ ആണ്.  കാര്യങ്ങൾ മനസ്സിലാക്കുന്ന മക്കളെ ദൈവം ഞങ്ങൾക്ക് അനുഗ്രഹിച്ചു തന്നു.  എത്ര നന്ദി പറഞ്ഞാലും തീരില്ല. മക്കളോടെന്നും പറയും പ്രാർത്ഥിക്കാൻ. പ്രാർത്ഥിക്കുമ്പോൾ ഒന്നും ചോദിക്കരുത്, തന്ന സൗഭാഗ്യങ്ങൾക്ക് നന്ദി  പറയുക. നന്ദി പറഞ്ഞു  കൊണ്ടേ ഇരിക്കുക. ഏതിനും,  എല്ലാത്തിനും, ഒന്നുമില്ലായ്മക്കും. കാരണം ഒന്നുമില്ലാത്തപ്പോഴും നമ്മുടെ ജീവൻ നില നിർത്തിന്നതിനു നന്ദി പറയുക.  ദൈവത്തിന്റെ ഒരു ടൈമിംഗ് ഉണ്ട്. അപ്പോൾ എല്ലാം നടക്കും. ക്ഷമയോടെ കാത്തിരിക്കുക. എല്ലാവർക്കും നല്ല ജീവിതം ഉണ്ടാകട്ടെ

MORE IN ENTERTAINMENT
SHOW MORE
Loading...
Loading...