നടൻ ബാല കഴിഞ്ഞ ദിവസം ഓണം ആഘോഷിച്ചത് മകൾ അവന്തികയ്ക്ക് ഒപ്പമായിരുന്നു. ഇതുവരെ ആഘോഷിച്ചതിൽ വച്ചേറ്റവും നല്ല ഓണമാണ് ഇത്തവണത്തേത് എന്ന തലക്കെട്ടോടെയാണ് മകള്ക്കൊപ്പമുള്ള വിഡിയോ താരം പങ്കുവച്ചത്. എന്നാൽ ഇതിനെ തുടർന്ന് താരത്തിന് നിരവധി വിമർശനങ്ങളും ഏറ്റുവാങ്ങേണ്ടി വന്നു.
ബാല പങ്കുവെച്ച വിഡിയോയിൽ മകൾ പേടിച്ച് നിൽക്കുന്നതും ദുഖിച്ച് നിൽക്കുന്നതും ചൂണ്ടിക്കാട്ടി പല ആരാധകരും പ്രേക്ഷകരും രംഗത്തെത്തിയിരുന്നു. അതിന് മറുപടിയെന്നോണം മകളുമായുള്ള ഒരു പഴയ വിഡിയോ പങ്കുവെച്ചിരിക്കുകയാണ് ബാല ഇപ്പോൾ. മകൾക്കൊപ്പം കളിക്കുന്ന ദൃശ്യങ്ങൾ ചേര്ത്തുവെച്ചൊരുക്കിയ വിഡിയോ ആണ് ബാല ഇപ്പോൾ പങ്കുവെച്ചിരിക്കുന്നത്. അമൃതയും ഒപ്പമുണ്ട്.
വിഡിയോയ്ക്കൊപ്പം ഇതുമായി ബന്ധപ്പെട്ട് കുറിപ്പും അദ്ദേഹം എഴുതി.
ബാലയുടെ കുറിപ്പ്:
‘യഥാർഥ സത്യം ഇതാ. ഈ വിഡിയോ ഇന്നേ വരെ ഞാൻ ആരെയും പുറത്തുകാണിച്ചിട്ടില്ല. ഒരച്ഛനും മകളും തമ്മിലുള്ള സ്നേഹത്തിന്റെ ഭാഷയുണ്ട്, അത് മറ്റുള്ളവര്ക്ക് മനസിലാകണമെന്നില്ല. എന്റെ മകളുടെ സന്തോഷത്തെ പറ്റി ചിന്തിക്കുന്ന ഒരുപാട് നല്ല മനസ്സുകൾ ഇവിടെയുള്ളതിനാലാണ് ഞാന് ഈ വിഡിയോ ഇപ്പോൾ പോസ്റ്റ് ചെയ്യുന്നത്. ഞാൻ പ്രാര്ത്ഥിക്കുന്ന ദൈവത്തോടും, ഞാൻ വിശ്വസിക്കുന്ന നിയമത്തോടും എന്റെ ആരാധകരോടും സുഹൃത്തുക്കളോടും, നിരുപാധികമായി എന്നെ സ്നേഹിക്കുന്നവര്ക്കും നന്ദി പറയുന്നു. ഞാനെന്റെ മകളുടെ അച്ഛനാണ്, അവൾ എന്നും എപ്പോഴും സന്തോഷവതിയായിരിക്കാൻ ഞാൻ ശ്രദ്ധിക്കും. നന്ദി നിങ്ങളെ എല്ലാവരെയും ദൈവം അനുഗ്രഹിക്കട്ടെ.’–ബാല കുറിച്ചു.
ബാലയുടെയും ഗായിക അമൃത സുരേഷിന്റെയും മകളാണ് പാപ്പു എന്ന് വിളിപ്പേരുള്ള അവന്തിക.. 2010-ല് വിവാഹിതരായ ബാലയും അമൃതയും മൂന്ന് വര്ഷമായി പിരിഞ്ഞു താമസിക്കുകയാണ്. ഈ വര്ഷമാണ് ഇരുവരും വിവാഹമോചിതരായത്.
സത്യം ഇതാ; വിമർശനങ്ങൾക്ക് മറുപടി; ഉല്ലസിക്കുന്ന മകൾക്കൊപ്പം ബാല; വിഡിയോ
SHOW MORE