നിങ്ങൾക്ക് എന്തെങ്കിലും പറ്റിയാല്‍ എനിക്ക് വിഷമമാകും; പിന്തുടർന്ന പയ്യനോട് ‘തല’

ajith-advise
SHARE

അഭിനയത്തോടൊപ്പം പൊതുസമൂഹത്തിലെ പെരുമാറ്റവും വിനയവും കൊണ്ട് ജനങ്ങളുടെ പ്രിയപ്പെട്ട താരമാണ് തല എന്ന അജിത്ത്. അജിത്തിനെ ഒരുനോക്ക് കാണാനും സംസാരിക്കാനും എന്തും ചെയ്യാൻ തയാറാണ് ആരാധകർ. തലയെ കാണാനായി 18 കിലോമീറ്ററോളം കാറിന് പിന്നാലെ എത്തിയ ഒരു ആരാധകനാണ് പുതിയ വാർത്ത. 

വിാമാനത്താവളത്തില്‍ നിന്ന് പുറത്തേയ്ക്ക് വന്ന അജിത്തിന്റെ കാറിനെ മറ്റൊരു വാഹനത്തില്‍ പതിനെട്ട് കിലോമീറ്ററോളമാണ് ഒരു ആരാധകൻ പിന്തുടര്‍ന്നത്. ആരാധകര്‍ കാര്‍ പിന്തുടരുന്നത് കണ്ട അജിത്ത് അവരെ കാണാൻ തയ്യാറാകുകയായിരുന്നു. ആരാധകര്‍ക്കൊപ്പം ഫോട്ടോ എടുക്കാനും അജിത്ത് തയ്യാറായി. 

എന്നാല്‍ ഇനി ഇത് ആവര്‍ത്തിക്കരുതെന്ന് ഉപദേശിക്കാനും മറന്നില്ല. അജിത്തിനെ കണ്ട കാര്യം ആരാധകൻ പിന്നീട് സാമൂഹ്യമാധ്യമത്തില്‍ പങ്കുവയ്‍ക്കുകയും ചെയ്‍തു. വിമാനത്താവളത്തില്‍ നിന്ന് അദ്ദേഹത്തെ പിന്തുടരാൻ തീരുമാനിച്ചു. ഞങ്ങളെ ശ്രദ്ധയില്‍ പെട്ടതിനെ തുടര്‍ന്ന് കാണാൻ സമ്മതിച്ചു. എന്റെ പേര് ചോദിച്ചു. ഗണേഷ് എന്നാണ് പേരെന്ന് ഞാൻ പറഞ്ഞു. ഇനി അങ്ങനെ പിന്തുടരരുതെന്ന് അദ്ദേഹം പറഞ്ഞു. അങ്ങനെ കാര്‍ പിന്തുടരുന്നത് ചിലപ്പോള്‍ അപകടകാരമാകും. എന്തെങ്കിലും സംഭവിച്ചെങ്കില്‍ അത് തനിക്ക് വിഷമകരമാകുമെന്നും അദ്ദേഹം പറഞ്ഞു.– ആരാധകൻ കുറിച്ചു. 

MORE IN ENTERTAINMENT
SHOW MORE