'എടി' എന്നു വിളിച്ചപ്പോൾ തിരുത്തി മമ്മൂക്ക; കരുതലോടെ ലാലേട്ടൻ: ഐഷയുടെ കുറിപ്പ് വൈറൽ

സിനിമാമേഖലയിലെ ചൂഷണങ്ങളെയും മാറ്റി നിർത്തലിനെയും കുറിച്ചുളള ചർച്ചകൾക്കാണ് വിമൺ ഇൻ സിനിമാ കളക്ടീവ് നടത്തിയ പത്രസമ്മേളനം തുടക്കമിട്ടത്. സിനിമയിലെ ആൺകോയ്മ തുറന്നുകാട്ടിയുളള പത്രസമ്മേളനത്തിനു പിന്നാലെ സിനിമാമേഖലയിലെ അസമത്വത്തെക്കുറിച്ചും അനീതിയെക്കുറിച്ചുമുള്ള ചർച്ചകളും ചൂടുപിടിച്ചു. സിനിമയിലെ ചൂഷണത്തെ കുറിച്ചും കാസ്റ്റിങ് കൗച്ചിനെ കുറിച്ചും പലരും പലസത്യങ്ങളും തുറന്നു പറയുന്ന ഈ കാലഘട്ടത്തിൽ സഹസംവിധായികയുടെ വ്യത്യസ്ത കുറിപ്പ് സമൂഹമാധ്യമങ്ങളിൽ തംരഗമാകുകയാണ്. 

മോഹൻലാലും മമ്മൂട്ടിയും അടക്കമുളള താരങ്ങൾ സ്ത്രീകളായ സഹപ്രവർത്തകരോട് കാണിക്കുന്ന കരുതലിനെ കുറിച്ചുളള കുറിപ്പ് സമൂഹമാധ്യമങ്ങളിൽ വൈറലാകുകയും െചയ്തു. സംവിധാന സഹായിയായ ഐഷ സുൽത്താനയുടെ കുറിപ്പാണ് ഇപ്പോൾ തരംഗമാകുന്നത്. പത്ത് വർഷത്തോളമായി താൻ സിനിമയിൽ ഉണ്ടെന്നും ബഹുമാനത്തോടും കരുതലോടും കൂടിയാണ് മുതിർന്ന താരങ്ങൾ തന്നോട് പെരുമാറുന്നതെന്നും ഐഷ സുൽത്താന പറയുന്നു. 

ഐഷ സുൽത്താനയുടെ കുറിപ്പിന്റെ പൂർണരൂപം വായിക്കാം

എനിക്ക്  ചിലത് പറയാനുണ്ട്: 

ഞാൻ 2008 ല്‍‌ ആണ് ലക്ഷദ്വീപിൽ നിന്നും കേരളത്തിൽ എത്തുന്നത് അന്ന് മുതൽ ഞാൻ ചാനലുകളിൽ വർക്ക് ചെയ്തത് തുടങ്ങി, RJ, VJ, modeling, Acting, Program producer, പിന്നെ സ്വന്തമായി ഒരു അഡ്വടേസിങ് ഫേം കൂടി ഓപ്പൺ ചെയ്തു. അതിനു ശേഷമാണ് ഞാൻ അസിസ്റ്റന്റ് ഡയറക്റ്റ്ർ ആയ് ജോലി ചെയ്യാൻ തുടങ്ങിയത്, ഇൗ 2008 മുതൽ ഇൗ ദിവസം വരെ രാത്രിയും പകലും ഞാൻ വർക്ക് ചെയ്തിരുന്നത് ആണുങ്ങളുടെ കൂടെ ആണ്. എന്റെ ഓഫിസിലെ സ്റ്റാഫ് എല്ലാം തന്നെ ആണുങ്ങൾ ആയിരുന്നു. ഇപ്പോഴും ഞാൻ വർക്ക് ചെയ്യുന്നത് ഡയറക്ഷൻ ഡിപാർമെന്റിൽ ആണ്. ഒട്ടുമുക്കാൽ ദിവസങ്ങളിലും day, night ഷൂട്ടിൽ ഞാൻ മാത്രമായിരിക്കും ഒരു പെൺകുട്ടി ആ ലോക്കേഷനിൽ ഉണ്ടാവുന്നത്. ഇത് ഇത്രയും ഞാൻ ആദ്യമേ പറഞ്ഞത് ഇനി കാര്യത്തിലേക്ക് കടക്കാം. രണ്ട് പെൺകുട്ടികൾ സഹസംവിധാനം ചെയ്യാൻ ചെന്നപ്പോൾ ലോക്കേഷനിൽ വെച്ച് അവർക്ക് ദുരനുഭവങ്ങൾ ഉണ്ടായി എന്നും പറഞ്ഞു വാർത്തകൾ കണ്ടിരുന്നു.

ചേച്ചിമാരെ അനിയത്തിമ്മാരെ പുതിയ സഹസംവിധായികമ്മാരെ നിങ്ങളെ പോലെ തന്നെ ഒരു പെൺകുട്ടിയാണ് ഞാനും. ഇന്നുവരെ എനിക്ക് ഒരു ദുരനുഭവം പോലും ലോക്കേഷനിൽ ഉണ്ടായിട്ടില്ല, ഇതേ ആണുങ്ങളുടെ കൂടെയാ ഞാനും വർക്ക് ചെയ്യുന്നത്, ഞാൻ വർക്ക്  ചെയ്ത സിനിമകളിലെ സംവിധായകർ എന്നെ റസ്പെക്ട്ടോടെ കൂടി ആണ് ഇത്രവരെ എന്നോട് പെരുമാറിയത്. കൂടെ വർക്ക് ചെയ്യുന്ന അസിസ്റ്റ്ന്റ്‌ അസോസിയേറ്റ് ഒക്കെ വളരെ നല്ല രീതിയിൽ ആണ് പെരുമാറുന്നത്. ഇൗ സഹ സംവിധായിക പറഞ്ഞപോലെ പ്രശ്നക്കാർ ആണ് ഇക്കൂട്ടർ എങ്കിൽ ഒരു ലോക്കേഷനിൽ വെച്ചെങ്കിലും എനിക്കും ഒരു ദുരനുഭവം വന്നേനെ അല്ലേ? 

ലാൽജോസ് സാറിന്റെ ലോക്കേഷനിൽ സാറിന്റെ അസിസ്റ്റന്റിനെ സാർ എന്നും ഇപ്പോഴും കൂടെ ചേർത്തുനിർത്തിട്ടെ ഉള്ളൂ ആണിനേയും പെണ്ണിനേയും തുല്യമായിട്ടേ  സാർ കണ്ടിട്ടുള്ളൂ,...

സേതു സാറിന്റെ ലൊക്കേഷനിൽ ഒരുപാട് റസ്പെക്‌ട്ടോടെ ആണ് സാർ എന്നോട് സംസാരിച്ചിരുന്നത്, പെരുമാറിയിരുന്നത്...

ശരത് സാറിന്റെ ലോക്കേഷനിൽ ഹോസ്പിറ്റാലിറ്റി അത്രയും കൂടുതൽ ആയിരുന്നു...

വെളിപാടിന്റെ പുസ്തകം ചെയ്യുമ്പോൾ ഞാൻ ക്രൗഢ് കൺട്രോൾ ചെയ്യുന്നത് കണ്ടിട്ട് എന്നോട് ലാലേട്ടൻ ചോദിച്ചു നീ എവിടെയാ പഠിപ്പിച്ചത് എന്ന്, ഞാൻ പറഞ്ഞു ട്രിവാൻഡ്രം യൂണിവേഴ്സിറ്റി കോളേജിൽ ആണെന്ന്,,, "അതാണ്" എന്ന് ലാലേട്ടൻ പറഞ്ഞു, കൂടാതെ,,, വർക്ക്  ചെയ്യാനുള്ള ഇൗ സ്പിരിറ്റ് നിന്നിൽ ഇപ്പോഴും ഉണ്ടാവണം എന്നുകൂടി കൂട്ടി ചേർത്തു... 

പ്രസന്നാ മാസ്റ്റർ തമാശക്ക് ഐഷക്ക് അഭിനയിച്ചാൽ പോരെ എന്ന് ചോദിച്ചപ്പോൾ ലാലേട്ടൻ കൊടുത്ത മറുപടി "എന്തിനാ ? അവൾ ചെയ്യുന്ന ജോലി ഭംഗിയിൽ ചെയ്യുന്നുണ്ട് അത് മതി" എന്ന് ലാലേട്ടൻ പറയുമ്പോൾ എനിക്ക് അവാർഡ് കിട്ടിയ പ്രതീതി ആയിരുന്നു...

ഒരിക്കൽ മമ്മുക്ക കേൾക്കെ പ്രായത്തിനു മൂത്ത ഒരാൾ  എന്നെ "എടി നീ പോയി ആ സാധനം എടുത്തോണ്ട് വന്നെ" എന്ന് പറഞ്ഞു, എന്നെ "എടി നീ" എന്ന് വിളിച്ചതിന് ആ വ്യക്തിയെ മമ്മുക്ക ഉടനെ വിളിച്ചിട്ട്, സഹോദരാ ഐഷയെ പേരുപറഞ്ഞ് വിളിക്കൂ.. ഇല്ലേൽ മോളെന്നു വിളിക്ക് respect women എന്ന് പറയുന്നത് ഞാൻ കേട്ടതാണ്... 

ഒരുദിവസം ഞാൻ ലോക്കേഷനിൽ പോവാതിരുന്നപ്പോൾ പിറ്റന്നാൾ ലോക്കേഷനിൽ എത്തിയ എന്നെ മമ്മുക്ക വിളിച്ചിട്ട് എന്താണ് ഇന്നലെ വരാതിരുന്നത് എന്ന് ചോദിച്ചു " ഇന്നലെ കുറെ  അധികം വൈയിലു കൊണ്ടപ്പോൾ ക്ഷീണം തോന്നിയിട്ട്  റെസ്റ്റ് എടുത്തതെന്ന് ഞാൻ മറുപടി പറഞ്ഞപ്പോൾ "നിന്നെ ഇവിടെ ആരും പെണ്ണായിട്ട്‌ കാണുന്നില്ല അത്കൊണ്ട് എത്ര വൈയിൽ ആയാലും മഴ ആയാലും ആണുങ്ങൾ പണിയെടുക്കുന്ന പോലെ നീയും പണിയെടുക്കണം" എന്നാണ് മമ്മുക്ക പറഞ്ഞത്. ഇതും എനിക്ക് കിട്ടിയൊരു അവാർഡ് ആണ് മമ്മുക്കയുടെ  ഇൗ വാക്കുകൾ. മടിയത്തി ആവാതിരികാൻ പണിയെടുക്കാൻ പ്രേരിപ്പിച്ച ആളാണ് മമ്മുക്ക....

മോൾ എന്നെ വാപ്പച്ചി എന്ന് വിളിക്ക് എന്ന് പറഞ്ഞ വ്യക്തിയാണ് നടൻ സിദ്ദിഖ് (എന്റെ വാപ്പച്ചി)

ഇനി ഒപ്പം വർക്ക്  ചെയ്ത അസിസ്റ്റൻറ് അസോസിയേറ്റ് ഇവരിൽ നിന്നൊന്നും ഇന്നുവരെയും ഒരു നോട്ടം കൊണ്ട് പോലും എനിക്ക് ഒരു അസ്വസ്ഥതയും ഇത് വരെ ഉണ്ടായിട്ടില്ല. യൂണിറ്റിലെ ചേട്ടന്മാർ പോലും night shoot സമയത്ത് എന്നെ പ്രോടെക്റ്റ് ചെയ്തിട്ടെയുള്ളു...

ഇത് എന്റെ അനുഭവം ആണ്... 

ഞാൻ മനസ്സിലാക്കിയ ഒരു സത്യം നമ്മൾ എന്ത് എങ്ങനെ പെരുമാറുന്നു എന്നത് പോലെ ഇരിക്കും തിരിച്ചുള്ള ആളുകളുടെ പെരുമാറ്റം. ആ സഹോദരി പറഞ്ഞൊരു കാര്യം വീട്ടില് ‍നിന്ന്  എന്ത് വിശ്വസിച്ചാണ് സിനിമയിൽ സഹസംവിധായിക ആകാൻ ഇറങ്ങാൻ സാധിക്കുക. ഇങ്ങനെ ഇത്രയും മോശമായിട്ടല്ലേ  ആണുങ്ങൾ പെരുമാറുന്നതെന്ന്.

ഇതിന് ഒരു സഹ സംവിധായിക ആയ ഞാൻ സഹോദരിക്ക് തരുന്ന മറുപടി : Attitude, behavior, self respect, dedication ഇത് നാലും നമ്മളിൽ കറക്റ്റ് ആയാൽ നമ്മൾക്ക് എവിടെയും respect കിട്ടും... ഇത് എന്റെ അനുഭവം കൊണ്ട് പറയുന്നതാണ്...