ഒരേസമയം വിവാഹമോചിതയാകുന്നുവെന്നും ഗർഭിണിയാണെന്നുമുള്ള വാർത്തയാണ് തന്നെ ഏറ്റവും അസ്വസ്ഥപ്പെടുത്തിയതെന്ന് വെളിപ്പെടുത്തി ബോളിവുഡ് താരം സണ്ണി ലിയോൺ. ഒരു ദേശീയ മാധ്യമത്തിന് നൽകിയ അഭിമുഖത്തിലാണ് സണ്ണിയുടെ വെളിപ്പെടുത്തൽ.
''ഞാനും ഡാനിയലും വിവാഹമോചിതരാകുന്നു എന്ന വാർത്തയാണ് ആദ്യം കേട്ടത്. അമ്പരപ്പ് മാറുമുൻപ് അതേദിവസം തന്നെ മറ്റൊരു വാർത്ത, ഞാൻ ഗർഭിണിയാണെന്ന്. അസ്വസ്ഥയാക്കിയ രണ്ട് വാർത്തകളായിരുന്നു അത്. വിവാമോചിതരാകുന്നെന്ന വാർത്ത കേട്ട് ഡാനിയലിന്റെ അമ്മ വിളിച്ച് കാര്യം തിരക്കുകയും ചെയ്തിരുന്നു.''
ഗെയിം ഓഫ് ത്രോൺസിൽ അഭിനയിക്കാൻ അവസരം എന്നപേരിൽ വന്ന ഒരു സന്ദേശവും ഞെട്ടിച്ചു. സന്തോഷത്തോടെ ലിങ്ക് ഓപ്പൺ ചെയ്തപ്പോഴാണ് മനസ്സിലായത്, അത് വ്യാജമായിരുന്നു എന്ന്, സണ്ണി പറയുന്നു.
നടിയാകണമെന്ന് ആഗ്രഹിച്ചിരുന്നോ?
ഒരിക്കലുമില്ല. സ്വന്തമായി ബിസിനസ് തുടങ്ങണമെന്നും ഒരു കമ്പനി തുടങ്ങണമെന്നും ഒക്കെ ആഗ്രഹമുണ്ടായിരുന്നു. ഒരു സാധാരണ പഞ്ചാബി കുടുംബത്തിലാണ് ജനിച്ചത്. ഒരിക്കൽ മോഡൽ ആകണം എന്നുപറഞ്ഞപ്പോൾ സ്കൂളിൽ പോയി മര്യാദക്ക് പഠിക്കാനാണ് ലഭിച്ച മറുപടി.
അഡൽറ്റ് ഇൻഡസ്ട്രിയിൽ നിന്ന് ബോളിവുഡിലേക്ക്
അഡൽറ്റ് ഇൻഡസ്ട്രി വളരെ പ്രൊഫഷണലാണ്. സമയം നന്നായി മാനേജ് ചെയ്യുന്ന കാര്യത്തിലും പ്രതിഫലത്തിന്റെ കാര്യത്തിലുമെല്ലാം വളരെ പ്രഫണൽ. എന്നാൽ ഇവിടെ എല്ലാം ഇമോഷണലാണ്. പന്ത്രണ്ട് മണിക്കൂർ ജോലി ചെയ്താലും അഞ്ച് മിനിട്ട് കൂടി എന്ന് പറയുന്നവരുടെ ഇൻഡസ്ട്രിയാണ്. തിരക്കഥയുടെ കാര്യത്തിലും അങ്ങനെ തന്നെ. എപ്പോൾ വേണമെങ്കിലും ഏത് രംഗവും മാറ്റിയെഴുതാം.. അഞ്ചുമിനിട്ടിൽ ക്ലൈമാക്സ് വരെ മാറ്റുന്നത് ശരിക്കും അത്ഭുതപ്പെടുത്തി.
സ്വപ്നങ്ങൾ
ഈ വർഷമാണ് സ്വന്തമായി കോസ്മറ്റിക് ബ്രാൻഡ് ആരംഭിക്കുന്നത്. സ്റ്റാർ സ്ട്രക്ക് എന്നാണ് പേര്. നിർമാണരംഗത്തേക്ക് കടക്കാനും പ്ലാൻ ചെയ്യുകയാണ്. ഈ വർഷം അവസാനത്തോടെ സ്വന്തം സിനിമ നിർമിക്കാനൊരുങ്ങകയാണ്, സണ്ണി പറഞ്ഞു.