തിരക്കഥാകൃത്തായും നായകനായും അരങ്ങേറ്റം കുറിച്ച സന്തോഷത്തിന് പിന്നാലെ മലയാളികളുടെ പ്രിയതാരം നീരജ് മാധവിന് വിവാഹമധുരം. കോഴിക്കോട്ട് ഏപ്രില് 2 നാണ് വിവാഹം. കോഴിക്കോട് കാരപ്പറമ്പ് സ്വദേശി ദീപ്തിയാണ് വധു. ഇരുവരുടെയും വിവാഹനിശ്ചയം കഴിഞ്ഞു.
ബഡ്ഡി എന്ന ചിത്രത്തിലൂടെയായിരുന്നു നീരജ് മലയാള സിനിമയിലേക്ക് എത്തിയത്. തുടര്ന്ന് മെമ്മറീസ്, ദൃശ്യം, 1983, അപ്പോത്തിക്കിരി, സപ്തമശ്രീ തസ്കര എന്നീ ചിത്രങ്ങളില് ശ്രദ്ധേയ കഥാപാത്രങ്ങളെ അവതരിപ്പിച്ചു.
നിവിന് പോളി നായകനായ വടക്കന് സെല്ഫിയില് നൃത്ത സംവിധാനവും നിര്വഹിച്ചിട്ടുണ്ട് നീരജ്. കഴിഞ്ഞ വര്ഷം പുറത്തിറങ്ങിയ ലവകുശ എന്ന ചിത്രത്തിലൂടെ തിരക്കഥാകൃത്തായും പ്രവര്ത്തിച്ചു. പൈപ്പിൻ ചുവട്ടിലെ പ്രണയം എന്ന സിനിമയിലൂടെ നായകനായും താരം എത്തി. ബിജു മേനോൻ ചിത്രമായ റോസാപ്പൂവിലാണ് അവസാനമായി എത്തിയത്.