കൊച്ചി റിഫൈനറി പെട്രോകെമിക്കല്‍ പദ്ധതി കമ്മിഷനിങ്ങിന് ഒരുങ്ങുന്നു. ലോകത്തെ ഏറ്റവും വലുതും ഇന്ത്യയിലെ ആദ്യത്തേതുമാണ് പ്ലാന്റിലെ അക്രലിക് ആസിഡ് യൂണിറ്റ് . പുതിയ പ്ലാന്റ് കമ്മിഷന്‍ ചെയ്യപ്പെടുന്നതോടെ രാജ്യത്തെ പെട്രോ കെമിക്കല്‍ ഹബായി കൊച്ചി മാറും . 2020 മാര്‍ച്ചില്‍ പ്ലാന്റ് പൂര്‍ണതോതില്‍ സജ്ജമാകുമെന്ന് ബിപിസിഎല്‍ കൊച്ചി റിഫൈനറി എക്സിക്യൂട്ടീവ് ഡയറക്ടര‍് പ്രസാദ് കെ പണിക്കര്‍ പറഞ്ഞു
ഇന്ത്യയില്‍ തന്നെ ബിപിസിഎലിന്റെ ഏറ്റവും വലിയ നിക്ഷേപം. ഒരുങ്ങുന്നത് രാജ്യാന്തര നിലവാരമുള്ള പെട്രോ കെമിക്കല്‍ പ്ലാന്റ് . കമ്മിഷനിങ് നടപടികള്‍ ഈ രീതിയില്‍ പുരോഗമിച്ചാല്‍ വരുന്ന ഡിസംബറില്‍ തന്നെ ആദ്യ ഉല്‍പന്നമായ അക്രലിക് ആസിഡ് വിപണിയിലെത്തും .അതോടെ ഇന്ത്യയിലെ തന്നെ അദ്യ അക്രലിക് ആസിഡ് പ്ലാന്റായി ഇത് മാറുകയും ചെയ്യും
പെയിന്റ് കോട്ടിങ് പശ, സോള്‍വന്റ് തുടങ്ങിയ വ്യവസായങ്ങള്‍ക്കുള്ള പ്രധാന അസംസ്കൃത വസ്തുവാണ് അക്രലൈറ്റ് . ഒരു മെട്രിക്ടണ്ണിന് 1300 ഡോളര്‍ വിലമതിക്കുന്ന ഈ ഉല്‍പന്നം ഇന്ന് ഇന്ത്യ പൂര്‍ണമായും ഇറക്കുമതി ചെയ്യുകയാണ് . ബിപിസിഎല്ലിന്റെ പ്ലാന്റ് യാഥാര്‍ഥ്യമാകുന്നതോടെ ഇറക്കുമതി 25ശതമാമായി കുറയ്ക്കാനാകും 160 കിലോ ടണ്‍ പ്രതിവര്‍ഷ ഉല്‍പാദനശേഷിയുള്ള അക്രലിക് ആസിഡ് പ്ലാന്റും 190 കിലോ ടണ്‍ ശേഷിയുള്ള അക്രലൈറ്റ് യൂണിറ്റുമാണ് ഒരുങ്ങുന്നത് . രാജ്യാന്തര നിലവാരമുള്ള സുരക്ഷാ ക്രമീകരണങ്ങളെല്ലാം പ്ലാന്റില്‍ സജ്ജമാണ്
5246 കോടിരൂപ മുടക്കിയാണ് പുതിയ പ്ലാന്റ് സജ്ജമാക്കിയിരിക്കുന്നത്. 16500 കോടിരൂപ ചെലവിട്ട് നടപ്പാക്കിയ സംയോജിത റിഫൈനറി വികസന പദ്ധതിയിലൂടെ അമ്പത് ലക്ഷം ടണ്‍ ഉല്‍പാദനശേഷിയുള്ള പ്രൊപ്പലീന്‍ പ്ലാന്റാണ് കൊച്ചിയില്‍ നേരത്തെ ഉദ്ഘാടനം ചെയ്തിരുന്നു.
