നിർമാണ അനുമതി റദ്ദാക്കി, വീട് പൊളിക്കണമെന്ന് പഞ്ചായത്ത്, നിസഹായയായി വിധവ

sheeja-renni
SHARE

സര്‍ക്കാര്‍ ധനസഹായത്തോടെ വീടുനിര്‍മിച്ച വിധവയ്ക്ക് കെട്ടിട നമ്പര്‍ നല്‍കാതെ എറണാകുളം ജില്ലയിലെ  പൈങ്ങോട്ടൂര്‍ ഗ്രാമപഞ്ചായത്ത് . വീടുള്‍പ്പെടുന്ന മൂന്നുസെന്റ് സ്ഥലം ഡേറ്റാ ബാങ്കില്‍ ഉള്‍പ്പെട്ടതാണെന്ന് കാണിച്ചാണ് കടവൂര്‍ പാലിയത്ത് വീട്ടില്‍ ഷീജ റെന്നിക്ക് നല്‍കിയ കെട്ടിട നിര്‍മാണ അനുമതി ഗ്രാമപഞ്ചായത്ത് കഴിഞ്ഞ മാസം റദ്ദാക്കിയത് . വീട് രണ്ടാഴ്ചയ്ക്കകം പൊളിച്ചുമാറ്റാനാണ് പഞ്ചായത്തിന്റെ നിര്‍ദേശം .

ഭര്‍ത്താവിന് ഒാഹരിയായി കിട്ടയതാണ് ഈ മൂന്നുസെന്റ് സ്ഥലം . ഭര്‍ത്താവിന്റെ മരണശേഷമാണ് പഴയവീട് പൊളിച്ച് ഷീജ അടച്ചുറപ്പുള്ള പുതിയ വീട് പണിയാന്‍ പഞ്ചായത്തില്‍ അനുമതി തേടിയത് . 2017 നവംബറില്‍ കെട്ടിടം നിര്‍മിക്കാന്‍ അനുമതിയും ലഭിച്ചു . എറണാകുളം  ജില്ലാ കലക്ടറുടെ അംഗീകാരത്തോടെ ന്യൂനപക്ഷ ക്ഷേമകുപ്പ് വീടുവയ്ക്കാന്‍ ഷീജക്ക് സഹായം അനുവദിച്ചു. ഒപ്പം സുമനസുകളായ ഒട്ടേറെപേരുടെ സഹായം കൂടി ചേര്‍ത്താണ് ആയിരം ചതുരശ്രയടിയുള്ള ഈ വീടു തീര്‍ത്തത് .കെട്ടിട നിര്‍മാണത്തിന്റെ ഒരോഘട്ടത്തിലും കടവൂര്‍ വില്ലേജ് ഒാഫീസര്‍ അടക്കമുള്ള ഉദ്യോഗസ്ഥരെത്തി പരിശോധന നടത്തി സാക്ഷ്യപത്രവും നല്‍കി. ഒടുവില്‍ വീട് പൂര്‍ത്തിയാക്കി കെടിട്ടത്തിന് നമ്പരിടാന്‍ പഞ്ചായത്തിനെ സമീപിച്ചപ്പോഴാണ് കഥമാറിയത് . വീടിരിക്കുന്ന സ്ഥലം ഡേറ്റാബാങ്കില്‍ ഉള്‍പ്പെടുത്തിയെന്ന കാണിച്ച് പഞ്ചായത്ത് നിര്‍മാണാനുമതി റദ്ദാക്കി. ഒപ്പം വീടുപൊളിച്ചുകളയാന്‍ അന്ത്യശാസനവും നല്‍കി 

2017 ഡിസംബര്‍ 30 ന് മുന്‍പ് പെര്‍മിറ്റ് ലഭിച്ച കെട്ടിടങ്ങള്‌‍ക്ക് നമ്പര്‍ അനുവദിക്കണമെന്ന സര്‍ക്കാര്‍ നിര്‍ദേശവും പൈങ്ങോട്ടൂര്‍ ഗ്രാമപഞ്ചായത്ത് അട്ടിമറിക്കുകയാണ് . പ്രാദേശിക സിപിഎം പ്രവര്‍ത്തകരാണ് കെട്ടിടാനുമതി റദ്ദാക്കണമെന്ന ആവശ്യവുമായി പഞ്ചായത്തിനെ സമീപിച്ചത് .  ഇടതുപക്ഷം ഭരിക്കുന്ന പഞ്ചായത്ത് ഇതിന് ഒത്താശ ചെയ്യുന്നെന്നാണ്  ഷീജയുെടയും കുടുംബത്തിന്റെയും ആക്ഷേപം.

MORE IN BREAKING NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...