സനലിന്റെ കൊലയ്ക്ക് ശേഷം ഹരികുമാർ വിളിച്ചു; രക്ഷപെട്ടതിൽ പങ്കില്ല; റൂറല്‍ എസ്.പി

ashok-kumar
SHARE

ഡിവൈഎസ്പി കാറിനുമുന്നില്‍ തള്ളിയിട്ട് കൊലപ്പെടുത്തിയ യുവാവിനെ രക്ഷിക്കാനുള്ള അവസാന അവസരവും നഷ്ടപ്പെടുത്തിയത് പൊലീസ്. നെയ്യാറ്റിന്‍കര ജനറല്‍  ആശുപത്രിയില്‍ നിന്ന് മെഡിക്കല്‍  കോളജിലേക്കുവിട്ട സനലിനെ ആദ്യം കൊണ്ടുപോയത് നെയ്യാറ്റിന്കര പൊലീസ് സ്റ്റേഷനിലേക്കാണ്. എന്നാൽ സനലിനെ തള്ളിയിട്ട് കൊന്ന ഡിവൈഎസ്പി ഹരികുമാർ രക്ഷപെട്ടതില്‍  പങ്കില്ലെന്ന് റൂറല്‍ എസ്.പി പി. അശോക് കുമാര്‍.

അപകടശേഷം  ഹരികുമാര്‍ വിളിച്ചിരുന്നു. എന്നാല്‍ പ്രതി രക്ഷപ്പെട്ടത് തന്റെ വീഴ്ചകൊണ്ടല്ല.  പൊലീസ് പരാജയപ്പെട്ടതുകൊണ്ടല്ല ക്രൈം ബ്രാഞ്ച് അന്വേഷണത്തിന് ഉത്തരവിട്ടതെന്നും അശോക് കുമാര്‍ പറഞ്ഞു.

അതീവഗുരുതരാവസ്ഥയില് നെയ്യാറ്റിന്കര ജനറല് ആശുപത്രിയില് നിന്ന് സനലിനെ മെഡിക്കല് കോളജിലേക്ക് റഫര് ചെയ്യുന്നത് രാത്രി 10.23ന്. ആന്തരികരക്തസ്രാവം മനസിലാക്കിയ ഡോക്ടര്  സനലിനെ വേഗം മെഡിക്കല് കോളജില് എത്തിക്കാന് പൊലീസിനോട് നിര്ദേശിക്കുന്നു.

പക്ഷെ  സനലുമായി  നേരേ പോയത് ആശുപത്രിയിലേക്കല്ല.. മെഡിക്കല് കോളജിലേക്ക് പോകാന് ടി.ബി ജംഗ്ഷന് വഴി പേകേണ്ടതിന് പകരം ആംബുലന്സ് പോയത് പൊലീസ് സ്റ്റേഷനിലേക്കുള്ള ആലുംമൂട് റോഡിലേക്ക്. ഇനിയാണ് ദൃശ്യങ്ങള് കാണേണ്ടത്. നെയ്യാറ്റിന്കര ഗേള്സ് ഹൈസ് സ്കൂളിന്റെയും എസ് ബി ഐ ബ്രാഞ്ചിന്റെയും  ഇടയിലൂടെയുള്ള പൊലീസ് സ്റ്റേഷന് റോഡിലേക്ക് 10.25ന് ആംബുലന്സ് തിരിയുന്നു. 

10.27 കഴിഞ്ഞാണ്  പൊലീസ് സ്റ്റേഷന് റോഡില് നിന്ന്    ആംബുലൻസ് പുറത്തേക്ക് വരുന്നത്.  മെഡിക്കല് കോളജിലേക്ക് പോകേണ്ട ആംബുലൻസ് പൊലീസ് സ്റ്റേഷനിലേക്ക് പോയതോടെ നിര്ണായകമായ അഞ്ചുമിനിറ്റാണ് നഷ്ടമായത്. മരണാസന്നനായ രോഗിയുമായി പൊലീസ് സ്റ്റേഷനിലേക്ക് ആംബുലന്സ് പോയത് പൊലീസുകാരൻെ ഡ്യൂട്ടിമാറാൻ. പൊലീസുകാർ നിർദേശിച്ച പ്രകാരമാണ് വഴിതിരിച്ചു വിട്ടതെന്ന് ആംബുലൻസ് ഡ്രൈവറും സ്ഥിരീകരിച്ചു. മനസാക്ഷിയുള്ളവർക്ക് ചിന്തിക്കാൻ പോലുമാകാത്ത പ്രവൃർത്തിയാണ് പൊലീസിൽ നിന്ന് ഉണ്ടായത്. 

MORE IN BREAKING NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.