സംസ്ഥാനത്ത് പന്ത്രണ്ട് ഡിജിപിമാരെന്തിനെന്ന് ഹൈക്കോടതി . ഇത്രയും ഡിജിപിമാരുണ്ടായിട്ടും വിജിലൻസ് ഡയറക്ടറുടെ ചുമതല ഒരു ഡിജിപിക്ക് കൈമറാത്തതെന്തുകൊണ്ടെന്നും കോടതി ചോദിച്ചു. കേന്ദ്രചട്ടമനുസരിച്ച് ഡിജിപി തസ്തികയിൽ ഇത്രയുംപേരെ നിയമിക്കാനാകുമോ എന്നും കോടതി സർക്കാരിനോട് ആരാഞ്ഞു . സംസ്ഥാനത്ത് ഡിജിപി തസ്തികയിൽ രണ്ട് കേഡർ സ്ഥാനങ്ങളും രണ്ട് എക്സ് കേഡർ സ്ഥാനങ്ങളുമാണുള്ളതെന്ന് സർക്കാർ മറുപടി നൽകി. കഴിഞ്ഞ സർക്കാർ നാലുപേരെ കൂടി ഡിജിപി സ്ഥാനത്ത് നിയമിച്ചിരുന്നു. േകഡർ എക്സ്കേഡർ തസ്തികയിലുള്ളവർക്കല്ലാതെ കേന്ദ്ര ചട്ടപ്രകാരം ശമ്പളം നൽകുന്നില്ലെന്നും സർക്കാർ വ്യക്തമാക്കി . ശങ്കർ റെഡ്ഢിക്ക് ഡിജിപിയായി സ്ഥാനക്കയറ്റം നൽകിയതിനെതിരായ വിജിലൻസ് അന്വേഷണം റദ്ദാക്കണമെന്ന പ്രതിപക്ഷ നേതാവ് രമേശ് ചെന്നിത്തലയുടെ ഹർജി പരിഗണക്കുകയായിരുന്നു ഹൈക്കോടതി.
Advertisement