തിരുവനന്തപുരം വെളളയമ്പലത്തെ കായികവകുപ്പിന്റെ നീന്തല് കുളത്തിലേക്ക് ജലഅതോറിറ്റി വെളളം നല്കും. നീന്തൽക്കുളത്തിലേക്കാവശ്യമായ വെള്ളം നൽകണമെന്നാവശ്യപ്പെട്ട് കായികവകുപ്പ് ജല അതോറിറ്റിക്ക് കത്ത് നല്കി. ദേശിയഗെയിംസിനായി കോടികൾ മുടക്കിനവീകരിച്ചനീന്തൽക്കുളം ഉപയോഗശൂന്യമായി കിടക്കുന്നവാർത്ത മനോരമ ന്യൂസ് റിപ്പോർട്ട് ചെയ്തതിന് പിന്നാലെയാണ് കായികവകുപ്പിന്റെ ഇടപെടൽ. വരൾച്ചയെതുടർന്ന് രണ്ടുമാസത്തോളമായി നീന്തൽക്കുളം പൂട്ടിക്കിടക്കുകയായിരുന്നു. മഴക്കാലമെത്തി ജലക്ഷാമം മാറിയിട്ടും ജലഅതോറിറ്റി കുളത്തിലേയ്ക്ക് വെള്ളം നൽകിയിരുന്നില്ല. തകരാറിലായ മീറ്റർ മാറ്റിസ്ഥാപിക്കണമെന്ന് ജലഅതോറിറ്റി അറിയിച്ചിട്ടുണ്ടെങ്കിലും ചെയ്തിട്ടില്ല. മൂന്നരലക്ഷത്തോളം രൂപ വെള്ളം നൽകിയ ഇനത്തിൽ ജല അതോറിറ്റിക്ക് നൽകാനുമുണ്ട്. കുളത്തിൽ വെള്ളമില്ലാത്തതിനെ തുടർന്ന് വേനൽക്കാല നീന്തൽക്ലാസും മുടങ്ങിയിരുന്നു.
Advertisement