കൊല്ലം കൊട്ടാരക്കര ഓടനാവട്ടത്ത് യുവതിയെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. ആത്മഹത്യയാണെന്നാണ് പ്രാഥമിക നിഗമനം. പൊലീസ് അന്വേഷണം തുടങ്ങി. ഒാടനാവട്ടം ചെറുകരക്കോണം കുന്നുംപുറത്ത് ചരുവിള വീട്ടില്‍ രാഖി മരിച്ചത്. 22 വയസുളള രാഖിയും പിതാവ് രാജനും മാത്രമാണ് വീട്ടിൽ ഉണ്ടായിരുന്നത്. ബിരുദ പഠനത്തിന് ശേഷം രാഖി പിഎസ്എസി കോച്ചിങ്ങിന് പോവുകയായിരുന്നു. ഒരാഴ്ച മുന്‍പ് രാഖിയും സുഹൃത്തുക്കളും നാട്ടുകാരായ ചിലരും ചേര്‍ന്ന് വിനോദയാത്ര പോയിരുന്നു. രാഖിയുടെ അച്ഛനും ഒപ്പമുണ്ടായിരുന്നു. യാത്രയ്ക്കിടെ യുവതിക്ക് ഒരു യുവാവില്‍ നിന്ന് മോശം അനുഭവം ഉണ്ടായെന്നും ഇതിന്റെ വിഷമം കാരണം ആത്മഹത്യ ചെയ്തെന്നുമാണ് വിവരം.
