രാജ്യാന്തര സംഗീതഞ്ജര്‍ പങ്കെടുക്കുന്ന സാധന ഫെസ്റ്റിനു തിരുവനന്തപുരം ശ്രീ സ്വാതിതിരുനാള്‍ സംഗീത കോളജില്‍ തുടക്കമായി. മൂന്നു ദിവസം നീണ്ടു നില്‍ക്കുന്ന ഫെസ്റ്റിവല്‍ സുരേഷ്ഗോപി എം.പി ഉദ്ഘാടനം ചെയ്തു. <എല്ലാവര്‍ഷവും നവംബറില്‍ നടക്കുന്ന ഫെസ്റ്റ് ,പ്രളയദുരന്തത്തെ തുടര്‍ന്നാണ് ജനുവരിയിലേക്ക് മാറ്റിയത്.
സംഗീത വിദ്യാര്‍ഥികള്‍ക്ക് കലാരംഗത്തെ കുലപതികളുമായുള്ള ആശയവിനിമയം, അവരുടെ പ്രകടനത്തെ അടുത്തറിയല്‍ ഇവയാണ് സാധന ഫെസ്റ്റിന്റെ ലക്ഷ്യം.മന്നാര്‍ഗുഡി ഈശ്വരന്‍,കുമാരി അക്കരൈ സുബ്ബലക്ഷ്മി എന്നിവരുള്‍പ്പെടെയുള്ളവരെ പ്രഗല്‍ഭരുടെ സാന്നിധ്യം മൂന്നു ദിവസത്തെ ഫെസ്റ്റിലുണ്ട്. ചടങ്ങില്‍ കോളജിന്റെ ഫെയ്സ്ബുക്ക് പേജിന്റെ ഉദ്ഘാടനവും നടന്നു
കാലചാര്യ പുരസ്കാരം ലഭിച്ച കെ.ഓമനക്കുട്ടിയെ ചടങ്ങില്‍ ആദരിച്ചു. പൊതുജനങ്ങള്‍ക്കും ഫെസ്റ്റില്‍ പ്രവേശനമുണ്ടാകും
