മാനസികാരോഗ്യകേന്ദ്രങ്ങളിൽ നിന്ന് സുഖം പ്രാപിച്ചവർക്ക് സേനേഹക്കൂട് ഒരുങ്ങുന്നു

Thumb Image
SHARE

മാനസികാരോഗ്യ കേന്ദ്രങ്ങളില്‍ നിന്ന് സുഖം പ്രാപിച്ചവര്‍ക്കായി  സര്‍ക്കാരിന്റെ സ്നേഹക്കൂടൊരുങ്ങുന്നു. രോഗം ഭേദപ്പെട്ടാലും ആരും ഏറ്റെടുക്കാന്‍ തയാറാകാത്തവര്‍ക്കായാണ് സ്നേഹക്കൂടെന്നപേരില്‍ മലപ്പുറത്താണ് പുനരധിവാസ കേന്ദ്രം തുറക്കുന്നത്.   പദ്ധതിയുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍ തിരുവനന്തപുരത്ത് നിര്‍വഹിച്ചു. 

തിരുവനന്തപുരം, തൃശ്ശൂര്‍, കോഴിക്കോട് ജില്ലകളിലെ മാനസികാരോഗ്യ കേന്ദ്രങ്ങളില്‍നിന്ന് സുഖം പ്രാപിച്ച നൂറിലധികമാളുകളെയാണ്  ദി ബെന്യാമിന്‍ ഫൗണ്ടേഷന്‍, ടിസ് ഹാന്‍സ് ഫൗണ്ടേഷന്‍ എന്നീ സന്നദ്ധ സംഘടനകളുടെ സഹായത്തോടെ ആദ്യഘട്ടത്തില്‍ മലപ്പുറത്തെ സ്നേഹവീട്ടില്‍ പുനരധിവസിപ്പിക്കുന്നത്.

ചികില്‍സാനന്തരം സമൂഹം മാറ്റി നിര്‍ത്തുന്ന ഇത്തരക്കാര്‍ക്ക്  വരുമാനവും പുനരധിവാസവും ഉറപ്പാക്കുകയാണ്  സ്നേഹക്കൂടിന്റെ  ലക്ഷ്യം.നാല് കോടി രൂപ ചെലവില്‍ നിര്‍മിക്കുന്ന പുരുഷന്‍മാര്‍ക്കുവേണ്ടിയുള്ള  ചികില്‍സാ–നിരീക്ഷണ  വാര്‍ഡിന്റെ ശിലാസ്ഥാപനവും മുഖ്യമന്ത്രി നിര്‍വഹിച്ചു. രോഗികള്‍ക്കും , രോഗം ഭേദപ്പെട്ടവര്‍ക്കും തൊഴില്‍ പരിശീലനവും, വരുമാന മാര്‍ഗവും സ്നേഹക്കൂട് തുറന്നിടുന്നു.   

MORE IN SOUTH
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.