ദസ്തേവസ്കിയും പെരുമ്പടവവും തമ്മിലെന്ത് എന്നതിന്റെ ഉത്തരമാണ് ഒരു സങ്കീർത്തനം പോലെ എന്ന നോവൽ. ഇരുവരേയും വരകൊണ്ട് ഒരുഫ്രെയിമിലാക്കി ആദരവ് അർപ്പിച്ചിരിക്കുകയാണ് യുവ റഷ്യൻചിത്രകാരി മൽസേവ എവ്ജിനിയ. തിരുവനന്തപുരം റഷ്യൻ കൾച്ചറൽ സെന്ററില് മൽസേവയുടെ ചിത്രപ്രദർശനത്തിലാണ് പെരുമ്പടവവും ഇടംപിടിച്ചത്.
റഷ്യനും-മലയാളവും തമ്മിലുള്ള ബന്ധത്തിന്റെ പ്രതീകമാണ് ഒരു സങ്കീർത്തനം പോലെ. അതാണ് ദസ്തേവസ്കിയുടേയും പെരുമ്പടവത്തിന്റേയും വരയ്ക്കു പിന്നിൽ.
യാത്രകൾക്കിടയിൽ കണ്ടുമുട്ടുന്ന ആളുകളാണ് മൽസേവയുടെ ചിത്രങ്ങൾക്ക് പ്രചോദനം. റഷ്യ ഇന്ത്യ നയതന്ത്ര ഒരുമയുടെ എഴുപതാമത് വാർഷികത്തിന്റെ ഭാഗമായാണ് ചിത്രപ്രദർശനം സംഘടിപ്പിച്ചിരിക്കുന്നത്. പ്രദർശനം വ്യാഴാഴ്ച സമാപിക്കും.