തിരുവോണ സദ്യക്കുള്ള വിഭവങ്ങളുമായി കാട്ടൂരില് നിന്ന് പുറപ്പെട്ട തിരുവോണതോണി ഇന്ന് പുലർച്ചെ ആറന്മുളയില് എത്തി. തിരുവോണ തോണിയില് കൊണ്ട് വരുന്ന വിഭവങ്ങള് ഉപയോഗിച്ചാണ് ആറന്മുള ക്ഷേത്രത്തില് സദ്യ ഒരുക്കുക. പരമ്പാരഗത ആചാരപ്രകാരം സദ്യ ഒരുക്കാനുള്ള വിഭവങ്ങളുമായി തിരുവോണത്തോണി ഇന്ന് പുലർച്ചേയാണ് ആറന്മുള ക്ഷേത്രകടവില് എത്തിയത്.ഇന്നലെ വൈകിട്ടാണ് മങ്ങാട്ട് ഭട്ടതിരിയുടെ നേതൃത്വത്തില് ഓണ വിഭവങ്ങളുമായി തിരുവോണത്തോണി കാട്ടൂരില് നിന്നും പുറപ്പെട്ടത്.
ഓണവിഭവങ്ങളുമായി കാട്ടൂരില് നിന്ന് പുറപ്പെട്ടതോണി തുഴഞ്ഞത് കാട്ടൂരിലെ 18കുടുംബങ്ങളിലെ അംഗങ്ങളാണ്. ചോതി അളവിന് ശേഷം കുത്തിയ അരി മറ്റ് വിഭവങ്ങള് എന്നിവകൂടാതെ അടുത്ത ഒരുവർഷത്തേക്ക് കെടാവിളക്കില് കത്തിക്കാനുള്ള ദീപവും തോണിയില് എത്തിച്ചു.തോണി എത്തി അറന്മുള ക്ഷേത്രത്തിലെ കെടാവിളക്ക് തെളിച്ചതിന് ശേഷമാണ് സദ്യ ഒരുക്കിയത്. വൈകിട്ട് ദീപാരാധനക്ക് ശേഷം മങ്ങാട്ട് ഭട്ടതിരി ഇല്ലതേക്ക് മടങ്ങി.